"എനിക്ക് കിട്ടീല്ല, നിനക്കും കിട്ടൂല്ല" സ്കൂട്ടർ കമ്പനികൾ ഭയന്നതുതന്നെ ഒടുവിൽ സംഭവിക്കുന്നു!
ഇലക്ട്രിക്ക് ആക്ടിവ അടുത്ത വർഷം അതായത് 2025-ൽ വിപണിയിൽ പ്രവേശിച്ചേക്കും എന്ന് റിപ്പോര്‍ട്ട്. ഹോണ്ട എസ്സി ഇ: കൺസെപ്റ്റ് ഇലക്ട്രിക്ക് ആക്ടവിയായി ഇന്ത്യൻ വിപിണയിൽ എത്തിയേക്കുമെന്നാണ് റിപ്പോര്‍ട്ടുകൾ.
ലോകം ഇലക്ട്രിക്ക് വാഹന വിപ്ലവത്തിലാണ്. പല കമ്പനികളും ഒന്നിന് പിറകെ ഒന്നായി ഇലക്ട്രിക് ഇരുചക്ര വാഹന വിഭാഗത്തിലേക്ക് കടന്നു. ടൂവീലർ വിപണിയിലെ അതികായരാണ് ജാപ്പനീസ് ജനപ്രിയ ബ്രാൻഡായ ഹോണ്ട. അതുകൊണ്ടുതന്നെ ഇപ്പോഴും ആളുകൾ ഹോണ്ടയുടെ ആക്ടിവ ഇലക്ട്രിക്കിനായി കാത്തിരിക്കുകയാണ്. ഇപ്പോൾ പുതിയ റിപ്പോര്‍ട്ടുകൾ പറയുന്നത് ഇലക്ട്രിക്ക് ആക്ടിവ അടുത്ത വർഷം അതായത് 2025-ൽ വിപണിയിൽ പ്രവേശിച്ചേക്കും എന്നാണ്.
ആക്ടിവ ഇലക്ട്രിക്കിൻ്റെ നിർമ്മാണത്തിനായി എച്ച്എംഎസ്ഐ അതിൻ്റെ അസംബ്ലി ലൈൻ വികസിപ്പിക്കുകയാണെന്ന് ഇപ്പോൾ പുതിയ റിപ്പോർട്ടുകൾ. ഉൽപ്പാദന ശേഷി വർധിപ്പിക്കുന്നതിനായി ഗുജറാത്ത്, കർണാടക പ്ലാൻ്റുകളിൽ കമ്പനി രണ്ട് പുതിയ നിർമാണ ലൈനുകൾ ചേർത്തു.
ഗുജറാത്ത് പ്ലാൻ്റിലെ പുതിയ മൂന്നാം നിരയിൽ നിന്ന് ഏകദേശം 6.6 ലക്ഷം യൂണിറ്റുകളുടെ അധിക ഉൽപ്പാദനം നടക്കുമെന്നാണ് കണക്കാക്കുന്നത്. ഒരു സമർപ്പിത ഇവി നിർമ്മാണ ലൈനിൻ്റെ ജോലികൾ നടന്നുകൊണ്ടിരിക്കുകയാണെന്ന് റിപ്പോര്‍ട്ടുകൾ ഉണ്ട്. 2025 സാമ്പത്തിക വർഷത്തിൽ ഐസിഇ ഇരുചക്ര വാഹനങ്ങൾക്കും ഇലക്ട്രിക് വാഹനങ്ങൾക്കും ഇത് തയ്യാറാകും. പ്രതിവർഷം ഒമ്പത് ലക്ഷം യൂണിറ്റുകളായിരിക്കും ഇതിൻ്റെ ഉൽപ്പാദന ശേഷി. ഇന്ത്യയിലെ മൊത്തം ഇരുചക്ര വാഹന വ്യവസായത്തിൽ ഹോണ്ടയ്ക്ക് 25 ശതമാനം വിപണി വിഹിതമുണ്ട്. നിലവിൽ രാജ്യത്ത് ഏറ്റവുമധികം വിറ്റഴിക്കപ്പെടുന്ന സ്‍കൂട്ടറാണ് ഹോണ്ട ആക്ടിവ. ഒരു ദശാബ്ദത്തിലേറെയായി അതിൻ്റെ സ്ഥാനം നിലനിർത്തുന്നു. ഹോണ്ട ഇന്ത്യയ്‌ക്കായി രണ്ട് ഇലക്ട്രിക് സ്‌കൂട്ടറുകൾ നിർമ്മിക്കുന്നുവെന്നും റിപ്പോര്‍ട്ടുകൾ ഉണ്ട്. അവയുടെ ഇലക്ട്രിക് മോട്ടോറും ബാറ്ററികളും പ്രാദേശികമായി നിർമ്മിക്കും. സ്ഥിരവും സ്വാപ്പ് ചെയ്യാവുന്നതുമായ ബാറ്ററി സംവിധാനങ്ങളാണ് പരിഗണിക്കുന്നത്.
ടാറ്റ പറഞ്ഞ മൈലേജ് ഇത്രയും, പക്ഷേ ഫുൾ ടാങ്കിൽ റോഡിൽ ജനപ്രിയൻ ഓടിയത് ഇത്രയും കിലോമീറ്റർ!
കഴിഞ്ഞ വർഷം ജപ്പാൻ മൊബിലിറ്റി ഷോയിൽ കമ്പനി തങ്ങളുടെ ഇലക്ട്രിക് സ്കൂട്ടർ അവതരിപ്പിച്ചിരുന്നു. എസ്സി ഇ: കൺസെപ്റ്റ് എന്നാണ് ഇതിന് പേരിട്ടിരിക്കുന്നത്. ഈ ഇലക്ട്രിക് സ്കൂട്ടർ വളരെ സ്റ്റൈലിഷ് ആയി കാണപ്പെടുന്നു. ഇതിൻ്റെ ചക്രങ്ങൾ മുതൽ സീറ്റുകളും എൽഇഡി ലൈറ്റുകളും വരെ എല്ലാ ഭാഗങ്ങളും ഉപഭോക്താക്കളുടെ ഹൃദയം കീഴടക്കുന്ന വിധത്തിലാണെന്നാണ് റിപ്പോര്‍ട്ടുകൾ. സമാനമായ മോഡൽ ഇന്ത്യൻ വിപണിയിൽ കൊണ്ടുവരുമെന്ന് നിലവിൽ സ്ഥിരീകരണമില്ല. ആക്ടിവയുടെ ഇലക്ട്രിക് പതിപ്പായാണ് ഇതിനെ കണക്കാക്കുന്നത്. ഹോണ്ട എസ്സി ഇ: ഇലക്ട്രിക് സ്കൂട്ടറിൻ്റെ രൂപകൽപ്പനയിൽ നിന്ന് നഗരത്തിലെ ദൈനംദിന യാത്രയ്‌ക്കനുസൃതമായാണ് ഇത് രൂപകൽപ്പന ചെയ്‌തിരിക്കുന്നതെന്ന് വ്യക്തമാണ്.
ഇതിൽ, മുൻവശത്ത് എൽഇഡി ഡിആർഎല്ലുകൾക്കിടയിൽ എൽഇഡി ലൈറ്റ് സജ്ജീകരിച്ചിരിക്കുന്നു. ഇവയെല്ലാം സ്കൂട്ടറിൻ്റെ ഏപ്രോൺ വിഭാഗത്തിൽ ദൃശ്യമാണ്. ഈ ലൈറ്റിനുള്ളിൽ ഹോണ്ട ബ്രാൻഡിംഗ് ദൃശ്യമാണ്. ഹാൻഡിലിനു മുന്നിൽ എൽഇഡി ലൈറ്റും നൽകിയിട്ടുണ്ട്. ഏകദേശം 7 ഇഞ്ച് സ്ക്രീനും ഇതിനുണ്ട്. ഇത് എൽഇഡി ആണോ അതോ ടിഎഫ്‍ടി ആണോ എന്ന് വ്യക്തമല്ല. ഈ സ്‌ക്രീൻ ഒരു ടാബ്‌ലെറ്റ് പോലെ ഉയർത്തിയിരിക്കുന്നു. ഇലക്ട്രിക് സ്കൂട്ടറുമായി ബന്ധപ്പെട്ട എല്ലാ വിശദാംശങ്ങളും ഇതിൽ ദൃശ്യമാകുമെന്ന് പ്രതീക്ഷിക്കുന്നു. ഉദാഹരണത്തിന്, ഈ സ്‌ക്രീൻ ട്രിപ്പ് മീറ്റർ, ഓഡോമീറ്റർ, റേഞ്ച്, മോഡ്, സമയം, തീയതി, കാലാവസ്ഥ, ബാറ്ററി റേഞ്ച്, ബാറ്ററി ചാർജിംഗ് തുടങ്ങി നിരവധി വിവരങ്ങൾ കാണിക്കും. ഇതൊരു ടച്ച് പാനലും ആകാൻ സാധ്യതയുണ്ട്.ഇലക്ട്രിക്ക് ആക്ടിവ കൂടി എത്തുന്നതോടെ ഇലക്ട്രിക് ടൂ വീലർ സെഗ്‌മെൻ്റിൽ കടുത്ത മത്സരം ആരംഭിച്ചുക്കുമെന്ന് ഉറപ്പാണ്.
