ടാറ്റ പറഞ്ഞ മൈലേജ് ഇത്രയും, പക്ഷേ ഫുൾ ടാങ്കിൽ റോഡിൽ ജനപ്രിയൻ ഓടിയത് ഇത്രയും കിലോമീറ്റർ!
ഇപ്പോഴിതാ നെക്സോൺ ഡീസൽ മാനുവൽ ട്രാൻസ്മിഷൻ (MT) മോഡൽ വാങ്ങാൻ ആഗ്രഹിക്കുന്നവർക്കായി അതിന്‍റെ യതാർത്ഥ മൈലേജ് വിവരങ്ങൾ പുറത്തുവന്നിരിക്കുന്നു.
ടാറ്റ മോട്ടോഴ്‌സിൻ്റെ ജനപ്രിയ എസ്‌യുവിയാണ് നെക്സോൺ. രാജ്യത്ത് ഏറ്റവും കൂടുതൽ വിറ്റഴിക്കപ്പെടുന്ന എസ്‌യുവികളുടെ പട്ടികയിലും ഇത് ഒന്നാം സ്ഥാനത്താണ്. 8.09 ലക്ഷം രൂപയാണ് നെക്സോണിൻ്റെ പ്രാരംഭ എക്‌സ് ഷോറൂം വില. രണ്ട് എഞ്ചിനുകളിലും മൂന്ന് ട്രാൻസ്മിഷൻ ഓപ്ഷനുകളിലും നെക്സോണിനെ വാങ്ങാം. ഇതോടൊപ്പം നെക്സോണിൻ്റെ ഇലക്ട്രിക് മോഡലും വരുന്നു.
ഇപ്പോഴിതാ നെക്സോൺ ഡീസൽ മാനുവൽ ട്രാൻസ്മിഷൻ (MT) മോഡൽ വാങ്ങാൻ ആഗ്രഹിക്കുന്നവർക്കായി അതിന്‍റെ യതാർത്ഥ മൈലേജ് വിവരങ്ങൾ പുറത്തുവന്നിരിക്കുന്നു. പെട്രോളിനെ അപേക്ഷിച്ച് ഡീസൽ എഞ്ചിൻ്റെ മൈലേജ് മികച്ചതാണെന്നാണ് റിപ്പോര്‍ട്ടുകൾ. ഓൺലൈൻ ഓട്ടോ ജേണലായ കാർവെയിലാണ് നെക്സോൺ ഡീസൽ മാനുവൽ ട്രാൻസ്മിഷൻ (MT) മോഡൽ വാങ്ങാൻ ആഗ്രഹിക്കുന്നവർക്കായി അതിന്‍റെ യതാർത്ഥ മൈലേജ് വിവരങ്ങൾ പരിശോധിച്ച് പുറത്തുവിട്ടിരിക്കുന്നത്.
113 bhp കരുത്തും 260 Nm ടോർക്കും ഉത്പാദിപ്പിക്കുന്ന 1.5 ലിറ്റർ ഡീസൽ എഞ്ചിനാണ് നെക്സോണിനുള്ളത്. ഈ എഞ്ചിൻ 6-സ്പീഡ് മാനുവൽ ട്രാൻസ്മിഷൻ അല്ലെങ്കിൽ എഎംടി യൂണിറ്റുമായി ഘടിപ്പിച്ചിരിക്കുന്നു. ഇത് മുൻ ചക്രത്തിന് ശക്തി നൽകുന്നു. ഡീസൽ എംടി വേരിയൻ്റ് ലിറ്ററിന് 23.23 കിലോമീറ്റർ മൈലേജ് നൽകുമെന്ന് കമ്പനി അവകാശപ്പെടുന്നു. ഈ വാദത്തിൽ എത്രത്തോളം സത്യമുണ്ടെന്ന് ഫുൾ ടാങ്കുമായി റോഡിൽ ഓടിച്ച് പരിശോധിച്ച ശേഷമാണ് ഫലം പുറത്തുവന്നത്.
കമ്പനി പറഞ്ഞത് ഇത്രയും കിമി മൈലേജ്, എന്നാൽ റോഡിൽ ഓടിച്ചപ്പോൾ ഈ ജനപ്രിയന് കിട്ടിയത് ഇത്രമാത്രം!
നെക്സോൺ ഡീസൽ MT-യുടെ യഥാർത്ഥ മൈലേജ് ടെസ്റ്റ് നടത്തിയപ്പോൾ, അത് 14.04 കിമി മൈലേജ് നൽകിയപ്പോൾ മൈലേജ് ഇൻഡിക്കേറ്റർ 14 കിമി കാണിച്ചു. അതുപോലെ, ഹൈവേ മൈലേജ് 21.18 കിമി ആയിരുന്നു. മൈലേജ് ഇൻഡിക്കേറ്റർ ഡിസ്‍പ്ലേ കാണിക്കുന്നത് 24.10 കിമി ആണ്. ഈ കണക്കുകളുടെ ശരാശരി 15.82 കിമി ആയിരുന്നു. നെക്സോണിൻ്റെ ഡീസൽ എംടിക്ക് 44 ലിറ്റർ ഇന്ധന ടാങ്കാണുള്ളത്. ഇത് മുഴുവനായും നിറച്ച ശേഷം, ഈ എസ്‌യുവി മൊത്തം 696 കിലോമീറ്റർ ദൂരം പിന്നിട്ടുവെന്നും കാർ വാലെ റിപ്പോര്‍ട്ട് ചെയ്യുന്നു.
നെക്സോൺ ഫെയ്‌സ്‌ലിഫ്റ്റിൻ്റെ രൂപകൽപ്പന കർവ്, ഹാരിയർ ഇവി കൺസെപ്‌റ്റുകളുമായി വളരെ സാമ്യമുള്ളതാണ്. ട്രപസോയ്ഡൽ ഹൗസിംഗിൽ സ്ഥാപിച്ചിരിക്കുന്ന ഹെഡ്‌ലൈറ്റുകൾക്കൊപ്പം ഒരു സ്പ്ലിറ്റ് ഹെഡ്‌ലാമ്പ് സജ്ജീകരണം ഇതിന് ലഭിക്കുന്നു. ടോപ്പ് വേരിയൻ്റിന് സീക്വൻഷ്യൽ എൽഇഡി ഡേടൈം റണ്ണിംഗ് ലൈറ്റുകൾ (ഡിആർഎൽ) ലഭിക്കുന്നു. അവ നേർത്ത അപ്പർ ഗ്രില്ലിൽ ടാറ്റ മോട്ടോഴ്‌സിൻ്റെ ലോഗോയുമായി ചേർന്നതാണ്. ബമ്പറിൻ്റെ താഴത്തെ പകുതിയിൽ കട്ടിയുള്ള ഒരു സ്ട്രിപ്പ് ഉണ്ട്, അതിൽ നമ്പർ പ്ലേറ്റ് ഘടിപ്പിച്ചിരിക്കുന്നു. 16 ഇഞ്ച് അലോയ് വീലുകൾക്ക് ഒരു പുതിയ ഡിസൈനും ഒരു കോൺട്രാസ്റ്റിംഗ് നിറത്തിൽ ഹൈലൈറ്റ് ചെയ്യപ്പെടാത്ത ഒരു പുതിയ ആക്‌സൻ്റ് ലൈനും ഇത് അവതരിപ്പിക്കുന്നു.
നെക്സോൺ ഫെയ്‌സ്‌ലിഫ്റ്റിന് ഇപ്പോൾ ടെയിൽലൈറ്റുകളെ ബന്ധിപ്പിക്കുന്ന പൂർണ്ണ വീതിയുള്ള എൽഇഡി ലൈറ്റ് ബാർ ലഭിക്കുന്നു. റിവേഴ്സ് ലൈറ്റ് ഇപ്പോൾ ബമ്പറിലേക്ക് മാറ്റി. അളവുകളുടെ കാര്യത്തിൽ എസ്‌യുവിയിൽ കാര്യമായ മാറ്റങ്ങളൊന്നും വന്നിട്ടില്ല. ഇതിൻ്റെ നീളവും ഉയരവും യഥാക്രമം രണ്ട് മില്ലീമീറ്ററും 14 മില്ലീമീറ്ററും വർദ്ധിച്ചു. അതേസമയം വീതി ഏഴ് മില്ലീമീറ്ററോളം കുറഞ്ഞു. വീൽബേസും ഗ്രൗണ്ട് ക്ലിയറൻസും യഥാക്രമം 2,498 എംഎം, 208 എംഎം എന്നിങ്ങനെ തുടരുന്നു. ടാറ്റ മോട്ടോഴ്‌സ് ബൂട്ട് സ്പേസ് 32 ലിറ്റർ വർധിപ്പിച്ചിട്ടുണ്ട്. ഇനി 382 ലിറ്റർ ബൂട്ട് സ്പേസ് ലഭിക്കും.
