Asianet News MalayalamAsianet News Malayalam

കാമുകൻ തൂങ്ങിമരിച്ചതറിഞ്ഞ് പെൺകുട്ടി ആത്മഹത്യക്ക് ശ്രമിച്ചു; അമ്മ രക്ഷിച്ചു

  • ബറേലിയിലെ സ്വകാര്യ ആശുപത്രിയിൽ ചികിത്സയിൽ കഴിയുകയാണ് പെൺകുട്ടി
  • പെൺകുട്ടിയുടേത് ദളിത് കുടുംബമായതിനാൽ ആൺകുട്ടിയുടെ കുടുംബം ബന്ധത്തെ എതിർത്തു
Teen couple attempts suicide, boy dies
Author
Bareilly, First Published Oct 15, 2019, 8:50 AM IST

ബറേലി: ഉത്തർപ്രദേശിലെ ബറേലി ജില്ലയിലെ സിബി ഗഞ്ച് പ്രദേശത്ത് കാമുകൻ തൂങ്ങിമരിച്ചതറിഞ്ഞ്  പെൺകുട്ടിയും ആത്മഹത്യക്കൊരുങ്ങി. എന്നാൽ തക്ക സമയത്ത് അമ്മ ഇടപെട്ട് പെൺകുട്ടിയെ രക്ഷപ്പെടുത്തി. 12ാംക്ലാസ് വിദ്യാർത്ഥിയായ 17കാരന്റെ ആത്മഹത്യാ വാർത്തയറിഞ്ഞാണ് ഒൻപതാം ക്ലാസ് വിദ്യാർത്ഥിനിയായ പെൺകുട്ടിയും ആത്മഹത്യക്ക് ശ്രമിച്ചത്.

തിങ്കളാഴ്ച രാവിലെയായിരുന്നു സംഭവം. ബറേലിയിലെ സ്വകാര്യ ആശുപത്രിയിൽ ചികിത്സയിൽ കഴിയുകയാണ് പെൺകുട്ടി. മരിച്ച 17കാരന്റെ മൃതദേഹം പോസ്റ്റ്മോർട്ടത്തിന് അയച്ചു.

പെൺകുട്ടിയുടേത് ദളിത് കുടുംബമായതിനാൽ ഇവരുടെ പ്രണയത്തെ 17കാരന്റെ കുടുംബം എതിർത്തിരുന്നു. പ്രണയബന്ധം അറിഞ്ഞത് മുതൽ ആൺകുട്ടിയ്ക്ക് വീട്ടിൽ കടുത്ത നിയന്ത്രണങ്ങൾ ഉണ്ടായിരുന്നു. പെൺകുട്ടിയെ കാണുന്നതിൽ നിന്ന് ശക്തമായി വിലക്കിയിരുന്നു. ഇതേ തുടർന്നാണ് ആൺകുട്ടി തൂങ്ങിമരിച്ചത്.

Follow Us:
Download App:
  • android
  • ios