'നീ തകര്ക്കും, അത് ഞങ്ങള്ക്കെല്ലാം അറിയാം'; പ്രണവിന്റെ സിനിമാ പ്രവേശത്തെക്കുറിച്ച് ദുല്ഖര്
ജിത്തു ജോസഫ് സംവിധാനം ചെയ്യുന്ന ആദി എന്ന ചിത്രത്തിലൂടെ സിനിമയിൽ നായകനായി അരങ്ങേറുന്ന പ്രണവ് മോഹൻലാലിന് ആശംസകളുമായി ദുല്ഖര് സല്മാന്. എന്റെ ഏറ്റവും പ്രിയപ്പെട്ട അപ്പുവിന്...എന്ന് സംബോധന ചെയ്തുള്ള ഫേസ്ബുക് പോസ്റ്റിലൂടെയാണ് ദുല്ഖര് പ്രണവിന് ആശംസയര്പ്പിച്ചത്.
പുതിയ ചിത്രത്തിന്റെ ഷൂട്ടിംഗിനൊരുങ്ങുന്ന എന്റെ ഏറ്റവും പ്രിയപ്പെട്ട അപ്പുവിന് എല്ലാവിധ ആശംസകളും. സ്റ്റണ്ട് സീനുകൾക്കായി നീയെടുത്ത തയ്യാറെടുപ്പുകളും കഷ്ടപ്പാടുകളും അറിയാം. നിന്റെ കടന്നുവരവ് എല്ലാവർക്കും വളരെ മനോഹരമായൊരു അനുഭവമായിരിക്കും. നീ സിനിമയിൽ തകർത്തു മുന്നേറുമെന്ന് നമുക്കെല്ലാം അറിയാം...ദുൽഖർ കുറിച്ചു. പ്രണവ് നായകനാകുന്ന ആദ്യ ചിത്രമായ ആദിയുടെ ടീസറും ഇതിനോടൊപ്പം ദുൽഖർ പങ്കുവച്ചു.
ദുല്ഖറിന്റെ ഫേസ്ബുക് പോസ്റ്റിന്റെ പൂര്ണരൂപം.
Wishing my dearest Appu (Pranav Mohanlal) the very best for the first day of shoot for his new film !! I know how hard he's been working on his stunts and everything. It's going to be a real treat for everyone !! You're gonna rock and we all know it 😘😘❤