ഓസ്കാര് ശില്പ്പം അടിച്ചുമാറ്റിയാള് പിടിയില്
- കഴിഞ്ഞ ദിവസം ഓസ്കാര് പുരസ്കാരദാനത്തിന് ശേഷം അവാര്ഡ് അടിച്ചുമാറ്റിയാള് അറസ്റ്റില്
ലോസ് ആഞ്ചലസ്: കഴിഞ്ഞ ദിവസം ഓസ്കാര് പുരസ്കാരദാനത്തിന് ശേഷം അവാര്ഡ് അടിച്ചുമാറ്റിയാള് അറസ്റ്റില്. മികച്ച നടിക്കുള്ള പുരസ്കാരം നേടിയ ഫ്രാൻസിസ് മക്ഡോർമന്റിന്റെ ഓസ്കാര് ശില്പ്പമാണ് ടെറി ബ്രയാന്റ് എന്നയാള് സ്വന്തമാക്കിയത്. പുരസ്കാരദാനത്തിന് ശേഷം നടന്ന പാര്ട്ടിക്കിടയിലാണ് സംഭവം. അടിച്ചുമാറ്റിയ പുരസ്കാരവുമായി ഇയാള് ഫേസ്ബുക്ക് ലൈവിലും വന്നു.
ഇതിനെ തുടര്ന്ന് ഒരു മാധ്യമപ്രവര്ത്തകന് സംശയം പ്രകടിപ്പിച്ചപ്പോള് ബ്രയാന്റ് പിടിയിലായി. അത്താഴ വിരുന്നിനിടെ മക്ഡോർമന്റിന്റെ മേശപ്പുറത്തുനിന്നും ബ്രയാന്റ് ഓസ്കർ അടിച്ചുമാറ്റുകയായിരുന്നു. ഗവർണേഴ്സ് ബാളിലെ പരിപാടിക്ക് ടിക്കറ്റ് എടുത്താണ് ബ്രയാന്റ് എത്തിയത്. ലോസ് ആഞ്ചലസ് പോലീസ് അറസ്റ്റ് ചെയ്ത ഇയാളെ 20,000 ഡോളർ കെട്ടിവച്ച ശേഷം ജാമ്യത്തിൽവിട്ടു.
ത്രീ ബിൽബോർഡ്സ് ഔട്ട്സൈഡ് എബ്ബിംഗ് മിസൗറിയിലെ പ്രകടനമാണ് ഫ്രാൻസിസ് മക്ഡോർമന്റിനെ അവാർഡിന് അർഹയാക്കിയത്. രണ്ടാം തവണയാണ് മക്ഡോർമന്റ് ഓസ്കർ പുരസ്കാരത്തിനു അർഹയാകുന്നത്.