പൃഥ്വിരാജിന്റെ ലൂസിഫര്, പൂജ നടന്നു, ഫോട്ടോകള്, വീഡിയോ
മോഹൻലാല് നായകനായി ഒരുങ്ങുന്ന സിനിമയുടെ പൂജ നടന്നു
പൃഥ്വിരാജ് ആദ്യമായി സംവിധാനം ചെയ്യുന്ന സിനിമയാണ് ലൂസിഫര്. മോഹൻലാല് നായകനായി ഒരുങ്ങുന്ന സിനിമയുടെ പൂജ നടന്നു. 18ന് തിരുവനന്തപുരത്ത് സിനിമയുടെ ചിത്രീകരണം ആരംഭിക്കും.
തിരുവനന്തപുരവും മുംബൈയും പ്രധാന ലൊക്കേഷനായിരിക്കും. കുട്ടിക്കാനത്തും ചില ഭാഗങ്ങള് ചിത്രീകരിക്കും. വിവേക് ഒബ്റോയ്യും ഇന്ദ്രജിത്തും ചിത്രത്തില് പ്രധാന കഥാപാത്രങ്ങളായുണ്ട്. മുരളി ഗോപിയാണ് തിരക്കഥ എഴുതുന്നത്. സുജിത് വാസുദേവ് ഛായാഗ്രഹണം നിര്വഹിക്കും.
നേരത്തെ ഒടിയന്റെ ലൊക്കേഷനിലെത്തി പൃഥ്വിരാജ് മോഹൻലാലിനെ ലൂസിഫറിന്റെ തിരക്കഥ വായിച്ചുകേള്പ്പിച്ചിരുന്നു. ലൂസിഫർ വളരെ നല്ല സിനിമയായിരിക്കുമെന്ന് മോഹൻലാല് പറഞ്ഞിരുന്നു. സിനിമയുടെ മേക്കിങിലും കഥ പറയുന്ന രീതിയിലും ഒരുപാട് പ്രത്യേകതകൾ ഉണ്ട്. വലിയ മഹത്തായ സിനിമയൊന്നുമല്ല, സാധാരണക്കാർക്ക് ഇഷ്ടപ്പെടുന്ന ഒരു എന്റർടെയ്നർ. എന്റർടെയ്നർ ഉണ്ടാക്കാൻ അത്ര എളുപ്പമല്ല. എല്ലാ രീതിയിലും മികച്ച സിനിമയായിരിക്കും ലൂസിഫർ- മോഹൻലാല് പറഞ്ഞു.