സച്ചിൻ ടെൻഡുൽക്കറുടെ ജീവിതകഥ പറയുന്ന സിനിമ- ട്രെയിലര് കാണാം
സച്ചിൻ ടെൻഡുൽക്കറുടെ ജീവിതകഥ പറയുന്ന സിനിമ സച്ചിന് എ ബില്യണ് ഡ്രീംസിന്റെ ട്രെയിലർ പുറത്തിറങ്ങി. മേയ് 26ന് ആണ് ചിത്രം തിയേറ്ററുകളിലെത്തുക.
മുംബൈയിൽ നടന്ന ചടങ്ങിലാണ്സച്ചിന്: എ ബില്യണ് ഡ്രീംസ് എന്ന ചിത്രത്തിന്റെ ട്രെയിലര് പുറത്തിറക്കിയത്. സച്ചിന്റെ ജീവിതത്തിലൂടെ സമഗ്രമായി കടന്നുപോകുന്ന ചിത്രം സംവിധാനം
ചെയ്തത് ജെയിംസ് ഏര്സ്കിൻ. എ ആർ റഹ്മാന്റെ സംഗീതം. സച്ചിൻ തന്നെയാണ് പ്രധാനവേഷത്തിൽ. ധോണിയും സെവാഗും ഉൾപ്പടെയുള്ളവരും സ്ക്രീനിലെത്തുന്നു.
തന്റെ ജീവിതം വെള്ളിത്തിരയിൽ എത്തുമെന്ന് കരുതിയിരുന്നില്ലെന്ന് സച്ചിൻ പറഞ്ഞു. ധോണിയുടെയും അസറുദ്ദീന്റെയും ജീവിതം പ്രമേയമാക്കിയ സിനിമകൾക്ക് ശേഷം ക്രിക്കറ്റ് പ്രേമികൾ ആകാംക്ഷയോടെ കാത്തിരിക്കുന്ന ചിത്രമാണ് സച്ചിൻ എ ബില്യൺ ഡ്രീംസ്.