സോഫ്റ്റ് ബട്ടർ ബൺ തയ്യാറാക്കാം
വളരെ എളുപ്പം തയ്യാറാക്കാൻ പറ്റുന്ന വിഭവമാണ് ബട്ടർ ബൺ. സോഫ്റ്റ് ബട്ടർ ബൺ തയ്യാറാക്കുന്നത് എങ്ങനെയെന്ന് നോക്കാം...
തയ്യാറാക്കാൻ വേണ്ട ചേരുവകൾ....
1. മൈദ 2 കപ്പ്
ബട്ടർ 2 ടേബിൾസ്പൂൺ
ഉപ്പ് ഒരു ടീസ്പൂൺ
2. യീസ്റ്റ് ഒന്നര ടീസ്പൂൺ
ചൂടുപാൽ മുക്കാൽ കപ്പ്
പഞ്ചസാര 2 ടേബിൾസ്പൂൺ
തയ്യാറാക്കുന്ന വിധം...
ആദ്യം രണ്ടാമത്തെ ചേരുവകൾ മിക്സ് ചെയ്ത് 10 മിനിറ്റ് വയ്ക്കുക. യീസ്റ്റ് ആക്റ്റീവ് ആകാനാണ് .
ഇനി ഒന്നാമത്തെ ചേരുവകളുടെ കൂടെ ചേർത്ത് കുഴച്ച് ചപ്പാത്തി മാവു പോലെയാക്കണം. ഇനി ബട്ടർ തടവി രണ്ടു മണിക്കൂർ പൊങ്ങാൻ വയ്ക്കണം .
ശേഷം ചെറിയ ഉരുളകളാക്കി എണ്ണയിൽ വറുത്ത് കോരാം. ബൺ പോലെ പൊങ്ങി വരും.
ഫില്ലിംഗിന്....
പഞ്ചസാര പൊടിച്ചത് ഒരു കപ്പ്
ബട്ടർ 2 ടേബിൾസ്പൂൺ
വാനില എസ്സെൻസ് അര ടീസ്പൂൺ
എല്ലാം കൂടി നന്നായി മിക്സ് ചെയ്ത് എടുക്കുക. ഇനി ബൺ നടുവിൽ മുക്കാൽ ഭാഗം മുറിച്ചതിന് ശേഷം ഫില്ലിംഗ് ഉള്ളിൽ തേച്ചു കൊടുക്കാം.
സോഫ്റ്റ് ബട്ടർ ബൺ തയ്യാറായി...
