Asianet News MalayalamAsianet News Malayalam

ഞങ്ങൾക്കിടിയിൽ ഭിന്നതകളില്ല; ഉമാ‌ഭാരതിയെ കണ്ട് പൊട്ടിക്കരഞ്ഞ് പ്രഗ്യ സിം​ഗ് താക്കൂർ- വീഡിയോ

തങ്ങൾക്കിടയിൽ ഭിന്നതകൾ ഇല്ലെന്നും മറിച്ചുള്ള വാർത്തകൾ മാധ്യമ സൃഷ്ടിയാണെന്നും പ്ര​ഗ്യ സിം​ഗുമായുള്ള കൂടിക്കാഴ്ചയ്ക്ക് ശേഷം ഉമാഭാരതി പറഞ്ഞു.

sadhvi pragya breaks down after meeting uma bharti in bhopal
Author
Bhopal, First Published Apr 29, 2019, 2:43 PM IST

ഭോപ്പാൽ: മുതിർന്ന ബിജെപി നേതാവും കേന്ദ്രമന്ത്രിയുമായ ഉമാഭാരതിയെ കണ്ട് വികാരഭരിതയായി സാധ്വി പ്ര​ഗ്യ സിം​ഗ് താക്കൂർ. ഭോപ്പാലിൽ വച്ചാണ് പരിസരം പോലും മറന്ന് പ്രഗ്യ സിം​ഗ്, ഉമാഭാരതിയോടുള്ള സ്‌നേഹം പങ്കുവെച്ചത്.  

ഭോപ്പാൽ മണ്ഡലത്തിൽ എംപിയായിരുന്ന ഉമാഭാരതിക്ക് പകരം പ്ര​ഗ്യ സിം​ഗിന് ബിജെപി ടിക്കറ്റ് നല്‍കുകയായിരുന്നു.  ഇതിനിടെ പ്ര​ഗ്യ സിം​ഗ് മഹതിയായ സന്ന്യാസിയാണെന്നും താൻ വിഡ്ഢിയായ സാധാരണക്കാരിയാണെന്നും ഉമാഭാരതി കഴിഞ്ഞ ദിവസം പറഞ്ഞിരുന്നു. ഇത് ഉമാഭാരതിക്ക് പ്ര​ഗ്യ സിം​ഗിനോടുള്ള അസംതൃപ്തിയാണ് വെളിപ്പെടുത്തുന്നതെന്ന വിമർശനങ്ങൾ  വിവിധ ഭാ​ഗങ്ങളിൽ നിന്നും പുറത്തുവന്നു.

ഇതിനുപിന്നാലെയാണ് പ്ര​ഗ്യ സിം​ഗ് ഉമാഭാരതിയെ കാണാനെത്തിയത്. മധുരവും പൂക്കളും നൽകിയാണ് സ്ഥാനാര്‍ത്ഥിയെ ഉമാഭാരതി സ്വാഗതം ചെയ്തത്. തങ്ങൾക്കിടയിൽ ഭിന്നതകൾ ഇല്ലെന്നും മറിച്ചുള്ള വാർത്തകൾ മാധ്യമ സൃഷ്ടിയാണെന്നും പ്ര​ഗ്യ സിം​ഗുമായുള്ള കൂടിക്കാഴ്ചയ്ക്ക് ശേഷം ഉമാഭാരതി പറഞ്ഞു.

Follow Us:
Download App:
  • android
  • ios