നടന് മധു മരിച്ചെന്ന് വ്യാജപ്രചാരണം: നടപടിയെടുക്കാന് പൊലീസിനോട് മുഖ്യമന്ത്രി നിര്ദേശിച്ചു
പരാതി അടിയന്തര പ്രാധാന്യത്തോടെ അന്വേഷിക്കാന് മുഖ്യമന്ത്രിയുടെ ഓഫീസ് പൊലീസിനോട് ആവശ്യപ്പെട്ടു.
തിരുവനന്തപുരം: ചലച്ചിത്രതാരം മധു അന്തരിച്ചെന്ന തരത്തില് വ്യാജവാര്ത്തകള് പ്രചരിപ്പിച്ചവര്ക്കെതിരെ അടിയന്തരമായി നടപടിയെടുക്കാന് മുഖ്യമന്ത്രിയുടെ ഓഫീസ് പൊലീസിന് നിര്ദേശം നല്കി. മധുവിന്റെ വ്യാജമരണവാര്ത്ത സമൂഹമാധ്യമങ്ങളില് പ്രചരിക്കുന്നത് ചൂണ്ടിക്കാട്ടി മധുവിന്റെ മകള് ഉമ നായര് മുഖ്യമന്ത്രിക്ക് പരാതി നല്കിയിരുന്നു. പരാതി അടിയന്തര പ്രാധാന്യത്തോടെ അന്വേഷിക്കാന് മുഖ്യമന്ത്രിയുടെ ഓഫീസ് പൊലീസിനോട് ആവശ്യപ്പെടുകയായിരുന്നു.