എസ്.ഡി.പി.ഐ നേതാക്കളുമായി കുഞ്ഞാലിക്കുട്ടിയും ഇടി മുഹമ്മദ് ബഷീറും ചര്ച്ച നടത്തി
ലീഗ് നേതാക്കളും മലപ്പുറം-പൊന്നാനി മണ്ഡലങ്ങളിലെ പാര്ട്ടി സ്ഥാനാര്ത്ഥികളുമായ പികെ കുഞ്ഞാലിക്കുട്ടി, ഇടി മുഹമ്മദ് ബഷീര് എന്നിവരാണ് പോപ്പുലര് ഫ്രണ്ട് - എസ്ഡിപിഐ നേതാക്കളുമായി ചര്ച്ച നടത്തിയത്.
കോഴിക്കോട്: എസ്ഡിപിഐയുടേയും പോപ്പുലര് ഫ്രണ്ടിന്റേയും നേതാക്കളുമായി മുസ്ലീം ലീഗ് നേതാക്കള് ചര്ച്ച നടത്തി. ലീഗ് നേതാക്കളും മലപ്പുറം-പൊന്നാനി മണ്ഡലങ്ങളിലെ പാര്ട്ടി സ്ഥാനാര്ത്ഥികളുമായ പികെ കുഞ്ഞാലിക്കുട്ടി, ഇടി മുഹമ്മദ് ബഷീര് എന്നിവരാണ് പോപ്പുലര് ഫ്രണ്ട് - എസ്ഡിപിഐ നേതാക്കളുമായി ചര്ച്ച നടത്തിയത്.
പോപ്പുലര് ഫ്രണ്ട് സംസ്ഥാന അധ്യക്ഷന് നസറൂദ്ദീന് എളമരം, എസ്ഡിപിഐ സംസ്ഥാന അധ്യക്ഷന് അബ്ദുള് മജീദ് ഫൈസി എന്നിവരുമായിട്ടായിരുന്നു ചര്ച്ച. കൊണ്ടോട്ടിയിലെ കെടിഡിസി ഹോട്ടലില് വച്ച് രാത്രിയോടെയാണ് നേതാക്കള് കൂടിക്കാഴ്ച്ച നടത്തിയത്.