ഈ വീട് മൊത്തം തലതിരിഞ്ഞാണ്.!
മോസ്കോ: റഷ്യയിലെ ഉഫ നഗരത്തിലുള്ള ഒരു വീട് മൊത്തം തലതിരിഞ്ഞാണ് നില്ക്കുന്നത്. പണിതപ്പോൾ തെറ്റിപ്പോയതൊന്നുമല്ല. 100 ആർക്കിടെക്റ്റുകൾ രണ്ടുവർഷത്തോളം എടുത്താണ് തലതിരിഞ്ഞ വീട് നിർമിച്ചത്. ഈ വീടിനുള്ളിൽ എല്ലാം തലതിരിഞ്ഞാണിരിക്കുന്നത്. അകത്ത് കയറുന്നവർ മേൽക്കുരയുടെ സീലിങ്ങിൽ ചവിട്ടിയാണുനടക്കുന്നത്.
വീടിനുള്ളിൽ ഫർണിച്ചറുകളെല്ലാം തലയ്ക്കുമുകളിൽ കാണാം. തലതിരിഞ്ഞിരിക്കുന്ന അലമാരയിൽ വസ്ത്രങ്ങൾ തൂക്കിയിട്ടിരിക്കുന്നതും തലതിരിച്ചുതന്നെ.
രണ്ടു കോടി രൂപ മുടക്കി നിർമിച്ച ഈ വീട് ലോകത്തിലെ ഏറ്റവും വലിയ തലതിരിഞ്ഞ വീടാണെന്നാണ് നിർമാണ കമ്പനി അവകാശപ്പെടുന്നത്. ഒരു സമയത്ത് 50 പേരെവരെ ഉൾക്കൊള്ളാൻ ഈ വീടിനാകും. ആളുകൾക്ക് ജീവിതത്തെക്കുറിച്ച് വ്യത്യസ്തമായൊരു കാഴ്ചപ്പാട് സമ്മാനിക്കാൻ ഈ വീടിനാകുമെന്ന് ഇതിന്റെ ഉടമസ്ഥർ കരുതുന്നു.