ആത്മാക്കള് ഭൂമിയിലിറങ്ങുന്ന ദിനത്തില് ആകാശത്ത് പായുന്ന പച്ചവെളിച്ചം; വീഡിയോ വൈറല്
ആത്മാക്കള് ഭൂമിയിലേക്കിറങ്ങുന്നു എന്ന് വിശ്വസിക്കപ്പെടുന്ന ഹാലോവീന് ദിനത്തില് ജപ്പാനിലെ ആകാശത്ത് തെളിഞ്ഞ അപൂര്വമായ പച്ചവെളിച്ചത്തിന്റെ വീഡിയോ സോഷ്യല് മീഡിയയില് വൈറലാകുന്നു.
കിഴക്കന് ജപ്പാനിലാണ് വ്യത്യസ്തമായ ഈ പ്രകാശം ദൃശ്യമായത്. ഫയര്ബോള് എന്നറിയപ്പെടുന്ന ഉല്ക്കയാകാം ഇതെന്നാണ് ജ്യോതിശാസ്ത്രജ്ഞര് നല്കുന്ന വിശദീകരണം.
ആകാശത്തുകൂടി അതിവേഗം കടന്നുപോയ ഈ പച്ച വെളിച്ചം ഇപ്പോഴും പലരെയും അദ്ഭുതപ്പെടുത്തിക്കൊണ്ടിരിക്കുന്നു. പക്ഷിയോ, വിമാനമോ അതോ ഹാലോവീന് ആഘോഷം കഴിഞ്ഞ് ദുര്മന്ത്രവാദികള് മടങ്ങുന്നതാണോ തുടങ്ങിയ ചോദ്യങ്ങളാണ് ഉയരുന്നത്.
ഉല്ക്കാ പതനം ആണെങ്കില് ഉല്ക്കാവശിഷ്ടങ്ങളുടെയോ മറ്റ് വസ്തുക്കളുടെയോ തെളിവുകളൊന്നും ലഭിച്ചിട്ടില്ലെന്നതാണ് സംശയങ്ങള് വര്ദ്ധിപ്പിക്കുന്നത്. വീഡിയോ കാണാം