ബില്‍ഗേറ്റ്സ് സമ്പന്നരില്‍ ഒന്നാമന്‍
ന്യൂയോർക്ക്: മൈക്രോസോഫ്റ്റ് സഹസ്ഥാപകൻ ബിൽഗേറ്റസ് വീണ്ടും സമ്പന്നരുടെ പട്ടകയിൽ ഒന്നാമതെത്തി . ഫോബ്സ് മാസിക പുറത്തുവിട്ട സമ്പന്നരുടെ പട്ടികയിലാണ് ബിൽഗേറ്റസിന് ഒന്നാം സ്ഥാനം.
ആമസോൺ സ്ഥാപകൻ ജെഫ് ബസോസ്, ഫേസ്ബുക്ക് സി ഇ ഒ മാർക്ക് സക്കർബർഗ്, ഒറാക്കിൾ സഹസ്ഥാപകൻ ലാറി എലിസൺ എന്നിവരും പട്ടികയിൽ ആദ്യം പത്തിൽ ഇടം പിടിച്ചിട്ടുണ്ട്. എന്നാല്‍ അമേരിക്കൻ പ്രസിഡൻറ് ഡോണാൾഡ് ട്രംപ് പട്ടികയിൽ 200 സ്ഥാനങ്ങൾക്ക് താഴെക്ക് വന്നു.
ലോകത്തിലെ കോടിശ്വരൻമാരുടെ എണ്ണത്തിൽ 13 ശതമാനം വർധനയുണ്ടായതായും ഫോബ്സ് മാസികയുടെ കണക്കുകളിൽ പറയുന്നു. 565 കോടിശ്വരൻമാരുമായി അമേരിക്കയാണ് പട്ടികയിൽ ഒന്നാം സ്ഥാനത്ത്. 365 പേരുമായി ചൈനയാണ് രണ്ടാം സ്ഥാനത്ത്. മാൻഹട്ടനിലെ റിയൽ എസ്റ്റേറ്റ് വ്യവസായത്തിലുണ്ടായ തിരിച്ചടിയാണ് ട്രംപിന്‍റെ പതനത്തിനു കാരണമെന്നാണ് റിപ്പോർട്ട്.
