ധനക്കമ്മി വാര്‍ഷിക എസ്റ്റിമേറ്റിന്റെ 61% ആയി
ദില്ലി: രാജ്യത്തിന്റെ ധനക്കമ്മി വാര്‍ഷിക എസ്റ്റിമേറ്റിന്റെ 61.1 ശതമാനമായി. നടപ്പു സാമ്പത്തിക വര്‍ഷം ഏപ്രില്‍ മുതല്‍ ജൂണ്‍ വരെയുള്ള കാലയളവിലെ കണക്കാണിത്. മുന്‍ വര്‍ഷം ഇത് 51 ശതമാനമായിരുന്നു.
3.26 ലക്ഷം കോടി രൂപയാണ് ഏപ്രില്‍ - ജൂണ്‍ കാലയളവിലെ ധനക്കമ്മി. റെവന്യൂ ചെലവുകള്‍ വര്‍ധിച്ചതാണ് കമ്മി ഇത്ര ഉയരാന്‍ കാരണം. മൊത്തം ചെലവ് 5.12 ലക്ഷം കോടി. പ്ലാന്‍ ഫണ്ട് ഇനത്തില്‍ 1.47 കോടി രൂപയും നോണ്‍-പ്ലാന്‍ ഇനത്തില്‍ 3.64 ലക്ഷം കോടി രൂപയുമാണു ചെലവഴിച്ചത്.
Last Updated Oct 5, 2018, 2:14 AM IST
