മൊബൈലിലൂടെ പണം നല്‍കാന്‍ ഫോണ്‍പേ ആപ്പുമായി ഫ്ലിപ്കാര്‍ട്ട്
ദില്ലി: പ്രമുഖ ഓണ്‍ലൈന്‍ വ്യാപാര കമ്പനിയായ ഫ്ലിപ് കാര്‍ട്ട് മൊബൈല്‍ ഫോണിലൂടെ തന്നെ പണം നല്‍കുന്ന ഫോണ്‍പേ എന്ന ആപ്ലിക്കേഷന്‍ പുറത്തിറക്കി. ഓണ്‍ലൈന്‍ വ്യാപാര മേഖലയിലെ വലിയ സാധ്യതകള്‍ മുന്നില്‍ കണ്ടാണ് ഫ്ലിപ് കാര്‍ട്ട് പുതിയ നീക്കത്തിന് തുടക്കമിട്ടത്. ഗൂഗിള്‍ പ്ലേ സ്‌റ്റോറിലൂടെ ഇന്നലെ മുതല്‍ ആപ്ലിക്കേഷന്‍ ലഭ്യമാണ്. ഐ ഒ എസ് പതിപ്പ് ഈ വര്‍ഷം അവസാനത്തോടെ ലഭ്യമാകും. 12 ദശലക്ഷം ഉപഭോക്താക്കളെ ഈ വര്‍ഷം തന്നെ ഫോണ്‍പേയുടെ ഭാഗമാക്കാനാണ് ഫ്ലിപ്കാര്‍ട്ട് ലക്ഷ്യമിടുന്നത്.
Last Updated Oct 4, 2018, 7:06 PM IST
