Asianet News MalayalamAsianet News Malayalam

കണ്ണൂരില്‍ വീണ്ടും സിപിഎം ബിജെപി സംഘര്‍ഷം

agains bjp cpm clash in kannur panoor
Author
First Published Feb 11, 2018, 11:58 AM IST

കണ്ണൂർ: പാനൂരിൽ വീണ്ടും സിപിഎം - ബിജെപി സംഘർഷം. വളള്യായി, പാത്തിപ്പാലം ഭാഗങ്ങളിൽ ഉണ്ടായ സംഘർഷത്തിൽ 7 പേർക്ക് പരിക്കേറ്റു. 5 സി.പി.എം പ്രവർത്തകർക്കും 2 ബി.ജെ.പി പ്രവർത്തകർക്കുമാണ് പരിക്കേറ്റത്. ശനിയാഴ്ച രാത്രി 11.30 ഓടെ വളള്യായിലെ ഒരു കല്യാണ വീട്ടിൽ വച്ചാണ് സംഘർഷം ഉടലെടുത്തത് . സി .പി .എം - ബി ജെ പി പ്രവർത്തകർ തമ്മിലുണ്ടായ വാക്കേറ്റം അക്രമത്തിൽ കലാശിക്കുകയുമായിരുന്നു . അക്രമത്തിൽ 5 സി.പി.എം പ്രവർത്തകർക്ക് പരിക്കേറ്റു. 

പുലർച്ചെ 2 മണിയോടെയാണ് ബി.ജെ.പി പ്രവർത്തകരായ സഹോദരങ്ങൾക്ക് നേരെ അക്രമം ഉണ്ടായത് .പരിക്കേറ്റ പാത്തിപ്പാലം സ്വദേശികളായ റിജേഷ് ,റിജിൻ എന്നിവരെ കോഴിക്കോട് മെഡിക്കൽ കോളേജിൽ പ്രവേശിപ്പിച്ചു. ഇരു സംഭവങ്ങളിലും പാനൂർ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട് . സംഘർഷം വ്യാപിക്കാതിരിക്കാൻ കനത്ത പോലീസ് സന്നാഹത്തെ മേഖലയിൽ വിന്യസിച്ചിട്ടുണ്ട്. 

Follow Us:
Download App:
  • android
  • ios