ബ്രഹ്മപുത്ര നദിയിൽനിന്ന് വെള്ളം ചോര്ത്താനൊരുങ്ങുന്നെന്ന വാര്ത്ത നിഷേധിച്ച് ചൈന
ബീജിങ്: ബ്രഹ്മപുത്ര നദിയിൽനിന്ന് വെള്ളം ചോർത്താൻ പദ്ധതി തയ്യാറാക്കുന്നുവെന്ന വാർത്തകൾ തള്ളി ചൈന. വാർത്ത വാസ്തവ വിരുദ്ധവും പച്ചക്കള്ളവുമാണെന്ന് ചൈനീസ് വിദേശകാര്യ വക്താവ് ഹുവാ ചുനിയിങ് വ്യക്തമാക്കി. നദീജലം പങ്കിടുന്ന കാര്യത്തിൽ ഉഭയകക്ഷി സഹകരണത്തിന് ചൈന വലിയ പ്രാധാന്യമാണു നൽകുന്നതെന്നും വിദേശകാര്യ വക്താവ് വ്യക്തമാക്കി. ദക്ഷിണ ടിബറ്റിൽ നിന്ന് ഷിൻജിയാങ്ങിലേക്ക് 1,000 കിലോമീറ്റർ തുരങ്കം നിർമിച്ചു വെള്ളം വഴിതിരിച്ചു വിടാൻ ചൈന പദ്ധതി തയ്യാറാക്കി എന്നായിരുന്നു വാർത്തകൾ.