Asianet News MalayalamAsianet News Malayalam

പഞ്ചസാര ഫാക്ടറിയിലെ ബോയിലര്‍ പൊട്ടിത്തെറിച്ച് അഞ്ച് മരണം

Five killed nine injured in boiler blast in sugar factory in Bihar
Author
First Published Dec 21, 2017, 4:26 PM IST

പാറ്റ്‍ന: പഞ്ചസാര ഫാക്ടറിയിലെ ബോയിലര്‍ പൊട്ടിത്തെറിച്ച് അഞ്ച് പേര്‍ കൊല്ലപ്പെട്ടു. ഒന്‍പത് പേര്‍ക്ക് പരിക്കേറ്റു. ബിഹാറിലെ ഗോപാല്‍ഗഞ്ച് ജില്ലയില്‍ ബുധനാഴ്ച രാത്രിയായിരുന്നു സംഭവം. ഗുരുതരമായി പരിക്കേറ്റ മൂന്ന് പേരെ പാറ്റ്‍ന മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.

കഴിഞ്ഞ മാസം ഉത്തര്‍പ്രദേശിലെ റായ്‍ബറേലിയില്‍ മറ്റൊരു പഞ്ചസാര ഫാക്ടറിയിലും ബോയ്‍ലര്‍ പൊട്ടിത്തെറിച്ച് 46 പേര്‍ കൊല്ലപ്പെട്ടിരുന്നു. ബിഹാറില്‍ ഇന്നലെ അര്‍ദ്ധരാത്രിയോടെയാണ് അപകടമുണ്ടായത്. കാരണം ഇനിയും വ്യക്തമായിട്ടില്ല. പരിക്കേറ്റവരില്‍ പലരുടെയും നില ഗുരുതരമായതിനാല്‍ മരണസംഖ്യ ഉയരാന്‍ സാധ്യതയുണ്ട്. അവശിഷ്‌ടങ്ങള്‍ക്കിടയില്‍ കൂടുതല്‍ പേര്‍ കുടുങ്ങിക്കിടക്കുന്നുവെന്നും സംശയമുണ്ട്. സംഭവം നടന്ന ഉടനെ പൊലീസും മറ്റ് ഉയര്‍ന്ന ഉദ്ദ്യോഗസ്ഥരും സ്ഥലത്തെത്തിയാണ് രക്ഷാ പ്രവര്‍ത്തനത്തിന് നേതൃത്വം നല്‍കിയത്. അതേസമയം മരണപ്പെട്ടവരുടെ ആശ്രിതതര്‍ക്കും പരിക്കേറ്റവര്‍ക്കും കമ്പനി നഷ്‌ടപരിഹാരം നല്‍കണമെന്ന് ജീവനക്കാര്‍ ആവശ്യപ്പെട്ടു.

Follow Us:
Download App:
  • android
  • ios