ഹോസ്റ്റലില്‍ വെച്ച് വ്യോമസേന ഉദ്ദ്യോഗസ്ഥന്‍ പീഡിപ്പിച്ചെന്ന പരാതിയുമായി ഐഐടി വിദ്യാര്‍ത്ഥിനി
കാണ്‍പുര്‍: വിവാഹ വാഗ്ദാനം നല്‍കി വ്യോമസേനാ ഉദ്യോഗസ്ഥന് പീഡിപ്പിച്ചെന്ന പരാതിയുമായി കാണ്‍പുര്‍ ഐ.ഐ.ടിയിലെ വിദ്യാര്‍ഥിനി പൊലീസിനെ സമീപിച്ചു. ബീഹാറിലെ സരന്‍ സ്വദേശിയായ ഉദ്ദ്യോഗസ്ഥന്‍, കാണ്‍പൂര്‍ ഐ.ഐ.ടി കാമ്പസിലെ പെണ്‍കുട്ടികളുടെ ഹോസ്റ്റലില്‍ വെച്ച് പലതവണ പീഡിപ്പിച്ചെന്നാണ് പരാതി.
വ്യോമസേനാ ഉദ്ദ്യോഗസ്ഥന്‍, സുഹൃത്ത്, സഹോദരി, സഹോദരീ ഭര്‍ത്താവ് എന്നിവരുടെ പേരുകള്‍ സഹിതമാണ് കല്യാണ്‍പൂര്‍ പൊലീസ് സ്റ്റേഷനില്‍ പരാതി നല്‍കിയത്. എഫ്.ഐ.ആര്‍ രജിസ്റ്റര്‍ അന്വേഷണം തുടങ്ങിയെന്നും ആരെയും അറസ്റ്റ് ചെയ്തിട്ടില്ലെന്നും പൊലീസ് അറിയിച്ചു. സോഷ്യല്‍ മീഡിയയിലൂടെയാണ് ഇയാളെ പരിചയപ്പെട്ടത്. ഒരു വര്‍ഷത്തോളമുള്ള പരിചയത്തിന് ശേഷം വിവാഹവാഗ്ദാനം നല്‍കി. പിന്നീട് ഹോസ്റ്റലില്‍ വന്ന് പല തവണ തന്നെ പീഡിപ്പിക്കുകയായിരുന്നെന്ന് യുവതി പരാതിയില്‍ പറയുന്നു.
