ബസ് പണിമുടക്ക്: കെഎസ്ആര്‍ടിസിക്ക് കോളടിച്ചു
തിരുവനന്തപുരം: ബസ് ചാർജ് വർധന ആവശ്യപ്പെട്ട് സ്വകാര്യ ബസ് ഉടമകൾ പണിമുടക്ക് നടത്തുമ്പോള്‍ കൂടുതൽ ബസുകൾ നിരത്തിലിറക്കിയ കെഎസ്ആർടിസിക്കു മികച്ച കളക്ഷൻ. പണിമുടക്ക് ആരംഭിച്ച ആദ്യദിനമായ വെള്ളിയാഴ്ച മാത്രം ലഭിച്ച കളക്ഷൻ 7.22 കോടി രൂപയാണ്. വ്യാഴം ഇത് 5.94 കോടി രൂപയായിരുന്നു. 1.28 കോടി രൂപയുടെ കളക്ഷനാണ് വർധിച്ചത്.
കഴിഞ്ഞ വെള്ളിയാഴ്ച 29 ലക്ഷം പേരായിരുന്നു യാത്ര ചെയ്യുന്നതിനായി കെഎസ്ആർടിസി ബസുകളെ ആശ്രയിച്ചത്. 6.12 കോടി രൂപയായിരുന്നു കളക്ഷൻ. എന്നാൽ ബസ് സമരം ആരംഭിച്ച ആദ്യദിനമായ വെള്ളിയാഴ്ച കെഎസ്ആര്‍ടിസി 40 ലക്ഷത്തോളം പേർ യാത്ര ചെയ്തതായാണ് കണക്ക്.
Last Updated Oct 4, 2018, 6:47 PM IST
