മര്ദ്ദനമേറ്റ ഇതരസംസ്ഥാന തൊഴിലാളി മരിച്ച സംഭവം: കൊലക്കുറ്റത്തിന് കേസെടുത്തു
- അഞ്ചലിൽ ഇതരസംസ്ഥാന തൊഴിലാളിയുടെ മരണത്തില് കൊലക്കുറ്റത്തിന് കേസെടുത്തു.
കൊല്ലം: അഞ്ചലിൽ ഇതരസംസ്ഥാന തൊഴിലാളിയുടെ മരണത്തില് കൊലക്കുറ്റത്തിന് കേസെടുത്തു. സംഭവത്തില് അഞ്ചല് സ്വദേശി ശശിയെ പൊലീസ് കസ്റ്റഡിയില് എടുത്തു. പശ്ചിമബംഗാള് സ്വദേശി മാണിക് റോയി മരിച്ച സംഭവത്തിലാണ് കേസ്. കോഴിയെ മോഷ്ടിച്ചെന്ന് ആരോപിച്ച് ഒരുസംഘം ആളുകള് രണ്ടാഴ്ചമുമ്പ് ഇയാളെ മര്ദ്ദിച്ചിരുന്നു.
കൈവശമിരുന്ന കോഴി മോഷണമുതലാണെന്നാരോപിച്ചാണ് ഇയാളെ നാട്ടുകാരില് ചിലര് മര്ദ്ദിച്ചത്. അഞ്ചലിന് സമീപത്തുള്ള കടയില് നിന്ന് കോഴിയയെും വാങ്ങി വരുകയായിരുന്നു മാണിയെ ഇത് വഴി ബൈക്കില് വന്ന മൂന്നംഗ സംഘമാണ് ക്രൂരമായി മര്ദ്ദിച്ചത്.
യുവാവിന്റെ നിലവിളി കേട്ട് നാട്ടുകാർ ഓടി കുടിയപ്പോഴേക്കും അക്രമിസംഘം കടന്നുകളഞ്ഞു. മുഖത്ത് കണ്ണിന്റെ വശത്തും മൂക്കിനും മർദ്ദനമേറ്റ് ചോരയിൽ കുളിച്ച മാണിക്കിനെ നാട്ടുകാർ അഞ്ചലിലെ സ്വകാര്യ ആശുപത്രിയിൽ പ്രവേശിപ്പിച്ചു. തുടര്ന്നാണ് ഇയാള് മരിച്ചത്. സംഭവത്തില് മൂന്ന് പേര്ക്കെതിരെ അഞ്ചല് പൊലീസ് കേസെടുത്തിരുന്നു.