രാജസ്ഥാനിലെ തദ്ദേശ തെരഞ്ഞെടുപ്പ് കോണ്ഗ്രസ് തൂത്തുവാരി
- രാജസ്ഥാനിലെ ജില്ല പഞ്ചായത്ത് കൗണ്സിലുകളിലേക്കുള്ള ഉപതെരഞ്ഞെടുപ്പില് കോണ്ഗ്രസിന്റെ വന് മുന്നേറ്റം
ജയ്പുർ: രാജസ്ഥാനിലെ ജില്ല പഞ്ചായത്ത് കൗണ്സിലുകളിലേക്കുള്ള ഉപതെരഞ്ഞെടുപ്പില് കോണ്ഗ്രസിന്റെ വന് മുന്നേറ്റം. ഉപതെരഞ്ഞെടുപ്പ് നടന്ന ആറു ജില്ലാ കൗണ്സിലുകളില് നാലിടത്ത് കോണ്ഗ്രസ് വിജയിച്ചു. 20 പഞ്ചായത്ത് സമിതി സീറ്റുകളിൽ 12 എണ്ണത്തിലും ആറു മുനിസിപ്പൽ സീറ്റുകളിൽ നാലെണ്ണത്തിലും കോണ്ഗ്രസ് സ്ഥാനാർഥികൾ വിജയിച്ചു.
പാർലമെന്റ്, നിയമസഭാ തെരഞ്ഞെടുപ്പുകളിലേക്കു നടന്ന ഉപതെരഞ്ഞെടുപ്പുകളിൽ മികച്ച വിജയം സ്വന്തമാക്കിയതിനു പിന്നാലെയാണ് തദ്ദേശഭരണ തെരഞ്ഞെടുപ്പുകളിലെ വിജയം.
അതേസമയം, സംസ്ഥാനം ഭരിക്കുന്ന ബിജെപിക്ക് ഒരു ജില്ലാ കൗണ്സിലിൽ മാത്രമാണ് സ്ഥാനാർഥികളെ വിജയിപ്പിക്കാൻ കഴിഞ്ഞത്. എട്ടു പഞ്ചായത്ത് സമിതി സീറ്റുകളിലും രണ്ടു മുനിസിപ്പൽ കൗണ്സിൽ ബിജെപി സ്ഥാനാർഥികൾ വിജയിച്ചു.