സൗദിയില് നിന്നുള്ള വിമാനം അനിശ്ചിതമായി വൈകുന്നു; വിമാനത്താവളത്തില് പ്രതിഷേധം
കൊച്ചി: സൗദി അറേബ്യയില് നിന്ന് ഇന്ന് രാവിലെ എത്തിച്ചേരേണ്ട വിമാനം അനിശ്ചിതമായി വൈകുന്നുവെന്ന് പരാതി. റിയാദ്-നെടുമ്പാശ്ശേരി സൗദി എയർലൈൻസ് വിമാനമാണ് വൈകുന്നത്. രാവിലെ 11 മണിക്ക് എത്തേണ്ട വിമാനം ഇതുവരെ കൊച്ചിയിൽ എത്തിയിട്ടില്ല. പ്രതികൂല കാലവസ്ഥാ കാരണം വിമാനം ചെന്നൈയിൽ ഇറക്കിയെന്നാണ് അധികൃതരുടെ വിശദീകരണം. യാത്രക്കാരുടെ ബന്ധുക്കൾ നെടുമ്പേശ്ശേരി വിമാനത്താവളത്തിൽ പ്രതിഷേധിക്കുകയാണിപ്പോള്.