ടിബറ്റില് ശക്തമായ ഭൂചലനം
ബെയ്ജിംഗ്: ചൈനയിലെ ടിബറ്റില് ശക്തമായ ഭൂകമ്പം. ശനിയാഴ്ച്ച രാവിലെ 6.30 -ഓടെയാണ് (പ്രാദേശികസമയം) ഭൂകമ്പമുണ്ടായത്. റിക്ടര് സ്കെയിലില് 6.4 രേഖപ്പെടുത്തിയ ഭൂകമ്പമാണ് മേഖലയില് ഉണ്ടായതെന്ന് യുഎസ് ജിയോളജിക്കല് സര്വ്വേ സ്ഥിരീകരിച്ചിട്ടുണ്ട്.
ഇന്ത്യ-ചൈന അതിര്ത്തിയില് നിന്നും 150 കി.മീ വടക്ക് മാറിയാണ് ഭൂകമ്പത്തിന്റെ പ്രഭവകേന്ദ്രം. ഭൗമോപരിതലത്തില് നിന്നും പത്ത് കി.മീ താഴെയാണ് ഭൂകമ്പമുണ്ടായതെന്ന് ചൈനയുടെ ഔദ്യോഗിക വാര്ത്ത ഏജന്സിയായ സിന്ഹുവാ റിപ്പോര്ട്ട് ചെയ്യുന്നു.
ആദ്യത്തെ ഭൂചലനത്തിന് ശേഷം 8.30-ഓടെ വീണ്ടുമൊരു ഭൂചലനം കൂടി ടിബറ്റിലുണ്ടായെന്നും സിന്ഹുവായുടെ റിപ്പോര്ട്ടില് പറയുന്നു.റിക്ടര് സ്കെയിലില് 5 രേഖപ്പെടുത്തിയ ഈ ഭൂകമ്പത്തിന്റെ പ്രഭവകേന്ദ്രം ഭൂമിയില് നിന്നും ആറ് കിലോമീറ്റര് താഴെയാണ്.