ഫോട്ടോ ദുരുപയോഗം ചെയ്തു; സബ്കളക്ടര്‍ ദിവ്യ എസ്. അയ്യരുടെ പരാതിയില്‍ പൊലീസ് കേസെടുത്തു
- സബ് കളക്ടറുടെ പരാതിയില്‍ പൊലീസ് കേസെടുത്തു
തിരുവനന്തപുരം: തിരുവനന്തപുരം സബ് കളക്ടര്‍ ദിവ്യ എസ് അയ്യരുടെ ഫോട്ടോ ദുരുപയോഗം ചെയ്തെന്ന പരാതിയില്‍ പൊലീസ് കേസെടുത്തു. സബ്കളക്ടറുടെ പരാതിയില്‍ പേരൂര്‍ക്കട പൊലീസാണ് കേസെടുത്തത്. ഒരു സ്വകാര്യ കമ്പനിയുടെ പ്രചാരകയാണ് സബ്കളക്ടര്‍ എന്ന് പറഞ്ഞുകൊണ്ടാണ് ദിവ്യയുടെ ചിത്രം സോഷ്യല്‍ മീഡിയയില്‍ നല്‍കിയിരുന്നത്. തന്‍റെ ചിത്രം ദുരുപയോഗം ചെയ്തുവെന്ന് ചൂണ്ടിക്കാട്ടി സബ്കളക്ടര്‍ ഡിജിപിക്ക് പരാതി നല്‍കിയിരുന്നു
ഡിജിപി ഓഫിസില്‍ നിന്ന് പരാതി പേരൂര്‍ക്കട പൊലീസിന് കൈമാറി. കോട്ടയത്ത് പ്രവർത്തിച്ചിരുന്ന സമയത്ത് സബ്കളക്ടര്‍ പങ്കെടുത്ത ഒരു പരിപാടിക്കിടെ എടുത്ത ചിത്രം തെറ്റായി അവതരിപ്പിച്ചെന്നാണ് പരാതി. ഫെയ്സ്ബുക്ക്, വാട്സ് ആപ്പ് തുടങ്ങിയ സോഷ്യല്‍ മീഡിയയിലെ വ്യാജ അക്കൗണ്ടുകള്‍ വഴിയാണ് ചിത്രം പ്രചരപ്പിച്ചത്. പേരൂര്‍ക്കട സിഐയിുടെ നേതൃത്വത്തില്‍ അന്വേഷണം ആരംഭിച്ചു.
