രണ്ടാമത്തെ നോട്ടിസില് തെറ്റില്ലെന്ന് ആലപ്പുഴ കളക്ടര്
- കയ്യേറ്റം ചൂണ്ടിക്കാട്ടി റിസോര്ട്ട് ഉടമകള്ക്ക് അയച്ച ആദ്യത്തെ നോട്ടീസില് സര്വ്വേ നമ്പര് തെറ്റായി രേഖപ്പെടുത്തിയിരുന്നു.
ആലപ്പുഴ: മന്ത്രി തോമസ് ചാണ്ടിയുടെ ഉടമസ്ഥതയിലുള്ള ലേക്ക് പാലസ് റിസോര്ട്ടിന് അയച്ച രണ്ടാമത്തെ നോട്ടീസില് പിഴവുകളൊന്നും വന്നിട്ടില്ലെന്ന് ആലപ്പുഴ ജില്ലാ കളക്ടര് ടി.വി.അനുപമ ഐഎഎസ് വ്യക്തമാക്കി.
കയ്യേറ്റം ചൂണ്ടിക്കാട്ടി റിസോര്ട്ട് ഉടമകള്ക്ക് അയച്ച ആദ്യത്തെ നോട്ടീസില് സര്വ്വേ നമ്പര് തെറ്റായി രേഖപ്പെടുത്തിയിരുന്നു. ഇതേ തുടര്ന്നാണ് ആ നോട്ടീസ് പിന്വലിച്ച് തെറ്റു തിരുത്തി രണ്ടാമതും നോട്ടീസ് അയച്ചത്. ഇതിലെ സര്വ്വേ നമ്പര് കൃത്യമാണ്. പക്ഷേ രണ്ടാമത്തെ നോട്ടീസിലും തെറ്റു പറ്റിയതായാണ് കോടതിക്ക് ബോധ്യപ്പെട്ടതെങ്കില് നിജസ്ഥിതി കോടതിയെ ബോധ്യപ്പെടുത്തുമെന്ന് അനുപമ ഏഷ്യനെറ്റ് ന്യൂസിനോട് പറഞ്ഞു.
ആദ്യ നോട്ടീസില് സര്വ്വേ നമ്പറിലെ തെറ്റി പോയത് ടൈപ്പ് ചെയ്യുന്നതിനിടയില് വന്ന പിഴവോ മറ്റോ ആകാം. എന്തായാലും തെറ്റു വന്നതില് എന്തെങ്കിലും സംശ എന്തെങ്കിലും ഉണ്ടെങ്കില് അന്വേഷണം നടത്തുമെന്നും അനുപമ വ്യക്തമാക്കി. തോമസ്ചാണ്ടിയുടെ ലേക് പാലസ് റിസോര്ട്ടിന് നെല്വയല് നീര്ത്തട സംരക്ഷണ നിയമം ലംഘിച്ച് നിര്മ്മിച്ച പാര്ക്കിംഗ് ഏരിയ പൊളിച്ച് നീക്കാതിരിക്കാന് കാരണം തേടിയാണ് ജില്ലാ കളക്ടര് നോട്ടീസ് നല്കിയത്