ആധാർ ചോര്ച്ച; വാർത്ത പ്രസിദ്ധീകരിച്ച ഓൺലൈൻ പോർട്ടലിനെതിരെ നിയമനടപടി
- അടിസ്ഥാനമില്ലാത്ത വാർത്ത പ്രചരിപ്പിച്ചു
- നടപടിയെടുക്കുമെന്ന് യുഐഡിഎഐ
ദില്ലി: ആധാർ വിവരങ്ങൾ ചോർന്നതായ വാർത്ത പ്രസിദ്ധീകരിച്ച ഓൺലൈൻ പോർട്ടലിനെതിരെ നിയമനടപടി സ്വീകരിക്കുമെന്ന് യുഐഡിഎഐ. ആധാർ ഡേറ്റാബേസിൽ ചോർച്ചയൊന്നും സംഭവിച്ചിട്ടില്ലെന്നും ആധാർ വിവരങ്ങൾ ഭദ്രവും സുരക്ഷിതവുമാണെന്നും യുഐഡിഎഐ അറിയിച്ചു. അടിസ്ഥാനമില്ലാത്ത വാർത്ത പ്രചരിപ്പിച്ചവർക്കെതിരെ നിയമനടപടി സ്വീകരിക്കും. ചോർച്ചയുണ്ടായിട്ടുണ്ടെങ്കിൽ തന്നെ അത് പ്രസ്തുത കമ്പനിയുടെ ഡേറ്റബേസ് ആയിരിക്കും. അതിന് യുഐഡിഎഐയുടെ കീഴിലുള്ള ഡേറ്റയുമായി യാതൊരു ബന്ധവുമുണ്ടാകില്ലെന്നും ആധാർ അധികൃതർ വ്യക്തമാക്കി.