ഇന്ത്യന് വെല്സ് മാസ്റ്റേഴ്സ്: ഫെഡററെ അട്ടിമറിച്ചു, തീമിന് കിരീടം
ഇന്ത്യന് വെല്സ് മാസ്റ്റേഴ്സ് ഫൈനലില് റോജര് ഫെഡറര്ക്ക് തോല്വി. ഓസ്ട്രിയയുടെ ഡൊമിനിക് തീമിനോട് ഒന്നിനെതിരെ രണ്ട് സെറ്റുകള്ക്കാണ് ഫെഡറര് പരാജയപ്പെട്ടത്.
ന്യൂയോര്ക്ക്: ഇന്ത്യന് വെല്സ് മാസ്റ്റേഴ്സ് ഫൈനലില് റോജര് ഫെഡറര്ക്ക് തോല്വി. ഓസ്ട്രിയയുടെ ഡൊമിനിക് തീമിനോട് ഒന്നിനെതിരെ രണ്ട് സെറ്റുകള്ക്കാണ് ഫെഡറര് പരാജയപ്പെട്ടത്. സ്കോര് 3-6 6-3 7-5. തുടര്ച്ചയായ രണ്ടാം തവണയാണ് ഫെഡറര് ഇവിടെ ഫൈനലില് പരാജയപ്പെടുന്നത്.
ആദ്യ രണ്ട് സെറ്റുകളും ഇരുവരും പങ്കിട്ടു. മൂന്നാം സെറ്റില് 5-5ന് ഇരുവരും ഒപ്പത്തിനൊപ്പമായിരുന്നു. എന്നാല് ഫെഡററുടെ സര്വീസ് ബ്രേക്ക് ചെയ്ത് തീം 6-5ന് മുന്നിലെത്തി. പിന്നാലെ അവസാന ഗെയിം ലക്ഷ്യത്തിലെത്തിച്ച് തീം സെറ്റും കിരീടവും സ്വന്തമാക്കി. ഇന്ത്യന് വെല്സില് തീമിന്റെ ആദ്യ കിരീടമാണിത്.