ഇംഗ്ലണ്ടിനെ തകര്ത്ത് റഗ്ബി ലോകകപ്പ് ദക്ഷിണാഫ്രിക്കയ്ക്ക്; റെക്കോര്ഡിനൊപ്പം
രണ്ടാം കിരീടം ലക്ഷ്യമിട്ടിറങ്ങിയ ഇംഗ്ലണ്ടിനെ തോൽപിച്ചാണ് ദക്ഷണാഫ്രിക്കയുടെ നേട്ടം
യൊക്കോഹാമ: റഗ്ബി ലോകകപ്പില് ദക്ഷിണാഫ്രിക്ക ചാമ്പ്യൻമാരായി. രണ്ടാം കിരീടം ലക്ഷ്യമിട്ടിറങ്ങിയ ഇംഗ്ലണ്ടിനെ തോൽപിച്ചാണ് ദക്ഷിണാഫ്രിക്കയുടെ നേട്ടം. നിസാന് സ്റ്റേഡിയത്തില് നടന്ന മത്സരത്തില് 32-12 എന്ന സ്കോറിനാണ് ദക്ഷിണാഫ്രിക്കയുടെ ജയം. മൂന്നാം തവണയാണ് ദക്ഷിണാഫ്രിക്ക ചാമ്പ്യൻമാരാവുന്നത്.
2007ല് നടന്ന ലോകകപ്പിലും ഇംഗ്ലണ്ടിനെ തോല്പിച്ചായിരുന്നു ദക്ഷിണാഫ്രിക്ക കിരീടം ചൂടിയത്. ജയത്തോടെ കൂടുതല് തവണ ലോക ചാമ്പ്യന്മാരായ ന്യൂസിലന്ഡിന്റെ റെക്കോര്ഡിന് ഒപ്പമെത്തി ദക്ഷിണാഫ്രിക്ക.