Asianet News MalayalamAsianet News Malayalam

ഇന്‍ഡൊനേഷ്യ മാസ്റ്റേഴ്സ്: സൈന ഫൈനലില്‍

ആദ്യ ഗെയിമില്‍ 11-7ന് ലീഡെടുത്തശേഷമാണ് സൈന ഗെയിം കൈവിട്ടത്. എന്നാല്‍ രണ്ടാം ഗെയിമില്‍ താളം വീണ്ടെടുത്ത സൈന എതിരാളിക്ക് അവസരമൊരുന്നും നല്‍കാതെ 21-12ന് ഗെയിം സ്വന്തമാക്കി.

Indonesia Masters Saina Nehwal enters finals
Author
Jakarta, First Published Jan 26, 2019, 4:37 PM IST

ജക്കാര്‍ത്ത: ഇന്‍ഡൊനേഷ്യ മാസ്റ്റേഴ്സ് ബാഡ്മിന്‍റണില്‍ ഇന്ത്യയുടെ സൈന നെഹ്‍‍വാള്‍ ഫൈനലില്‍. വാശിയേറിയ സെമി പോരാട്ടത്തില്‍ ചൈനീസ് താരം ഹീ ബിങ്ജിയാവോയെ ഒന്നിനെതിരെ രണ്ട് ഗെയിമുകള്‍ക്ക് തകര്‍ത്താണ് സൈനയുടെ ഫൈനല്‍ പ്രവേശം. സ്കോര്‍ 18-21, 21-12, 21-18. ആദ്യ ഗെയിം നഷ്ടമായശേഷമായിരുന്നു സൈനയുടെ ഗംഭീര തിരിച്ചുവരവ്.

കരോലിനാ മാരിനും ചെന്‍ യുഫെയിയും തമ്മിലുള്ള രണ്ടാം സെമിയിലെ വിജയികളുമായിട്ടാണ് സൈനയുടെ കിരീട പോരാട്ടം. ആദ്യ ഗെയിമില്‍ 11-7ന് ലീഡെടുത്തശേഷമാണ് സൈന ഗെയിം കൈവിട്ടത്. എന്നാല്‍ രണ്ടാം ഗെയിമില്‍ താളം വീണ്ടെടുത്ത സൈന എതിരാളിക്ക് അവസരമൊരുന്നും നല്‍കാതെ 21-12ന് ഗെയിം സ്വന്തമാക്കി.

ഇഞ്ചോടിഞ്ച് പോരാട്ടം കണ്ട അവസാന ഗെയിമില്‍ കോര്‍ട്ട് നിറഞ്ഞുകളിച്ച സൈന 21-18ന് ഗെയിമും മത്സരവും സ്വന്തമാക്കി.കഴിഞ്ഞ ആഴ്ച മലേഷ്യ മാസ്റ്റേഴ്സിലും സൈന സെമിയിലെത്തിയിരുന്നു. കരോലിന മാരിനോടാണ് അന്ന് സൈന തോറ്റത്. ഇന്ത്യന്‍ പ്രതീക്ഷകളായ പി വി സിന്ധുവും, കെ ശ്രീകാന്തും ഇന്നലെ ക്വാര്‍ട്ടറില്‍ പുറത്തായിരുന്നു.

Follow Us:
Download App:
  • android
  • ios