വീണ്ടും മലയാളിത്തിളക്കം; അബ്ദുള് ഹക്കു ബ്ലാസ്റ്റേഴ്സില്
- മലപ്പുറം സ്വദേശി അബ്ദുള് ഹക്കു ബ്ലാസ്റ്റേഴ്സില്
കൊച്ചി: കഴിഞ്ഞ ഐ.എസ്.എൽ സീസണിൽ നോർത്ത് ഈസ്റ്റ് യുണൈറ്റഡിനായി കളിച്ച മലയാളി താരം അബ്ദുൾ ഹക്കു(23) കേരള ബ്ലാസ്റ്റേഴ്സിൽ. സെന്റർ ഡിഫെൻറെർ, റൈറ്റ് വിംങ് ബാക്ക് പൊസിഷനിൽ കളിച്ചിരുന്ന ഈ ആറടി ഉയരക്കാരൻ അനസ് എടത്തൊടികയ്ക്കു ശേഷം ബ്ലാസ്റ്റേഴ്സിൽ എത്തുന്ന മലയാളി താരമാണ്.
തിരൂർ സ്പോർസ് അക്കാദമിക്ക് വേണ്ടി കളിച്ചു തുടങ്ങിയ അബ്ദുൾ ഹക്കു 2016-ൽ ഡി.എസ്.കെ ശിവജിയൻസിനു വേണ്ടി ഐ ലീഗിൽ ബൂട്ടണിഞ്ഞു. ഐഎസ്എല് അരങ്ങേറ്റത്തില് 2017ൽ നോർത്ത് ഈസ്റ്റ് യൂണൈറ്റഡ് കുപ്പായത്തില് ജംഷഡ്പൂർ എഫ്.സിക്കെതിരെ കളിച്ച അബ്ദുൾ ഹക്കു എമേർജിംഗ് പ്ലെയറായി തെരഞ്ഞെടുക്കപ്പെട്ടിരുന്നു.