ബിസിസിഐ കേസ് ഈ മാസം 17ലേക്കു മാറ്റി
ദില്ലി: ലോധസമിതി റിപ്പോര്‍ട്ട് നടപ്പിലാക്കാത്ത ബിസിസിഐക്കെതിരെ ഉത്തരവിറക്കുന്നത് സുപ്രീംകോടതി ഈ മാസം 17ലേക്ക് മാറ്റി. പൂജ അവധിക്ക് ശേഷം വാദം തുടര്‍ന്നാല്‍ മതിയെന്ന് ചീഫ് ജസ്റ്റിസ് ടി എസ് ഠാക്കൂര്‍ അധ്യക്ഷനായ ബെഞ്ച് തീരുമാനിക്കുകയായിരുന്നു. ഇന്നലെ ബി സി സി ഐക്ക് വേണ്ടി ഹാജരായ കപില്‍ സിബല്‍ ലോധ സമിതി റിപ്പോര്‍ട്ട് നടപ്പിലാക്കാന്‍ ഈ മാസം 17വരെ സമയം ചോദിച്ചിരുന്നു. എന്നാല്‍ 24 മണിക്കൂറിനകം നിലപാട് വ്യക്തമാക്കണമെന്നായിരുന്നു കോടതിയുടെ അന്ത്യശാസനം. ലോധ നിര്‍ദ്ദേശങ്ങള്‍ നടപ്പിലാക്കാത്ത ബി സി സി ഐയുടെ ഭരണസമിതി പിരിച്ച് വിടണമെന്ന് ഇന്നലെ അമികസ് ക്യൂറി ഗോപാല്‍ സുപ്രീംകോടതിയില്‍ ആവശ്യപ്പെട്ടിരുന്നു.
Last Updated Oct 4, 2018, 7:58 PM IST
