ടീമുകളുടെ സുരക്ഷയ്‌ക്ക് ലോകകപ്പില്‍ മുഖ്യ പരിഗണന; ഇന്ത്യയുടെ ആശങ്കയില്‍ ഐ സി സി തലവന്‍
ടീമുകളുടെ സുരക്ഷയ്‌ക്കാണ് പ്രാഥമിക പരിഗണനയെന്ന് ഐ സി സി ചെയ‌ര്‍മാന്‍ ശശാങ്ക് മനോഹര്‍. ബി സി സി ഐയില്‍ നിന്ന് കത്ത് ലഭിച്ചതായി സ്ഥിരീകരണം.
മുംബൈ: ലോകകപ്പില്‍ പങ്കെടുക്കുന്ന ടീമുകളുടെ സുരക്ഷയ്‌ക്കാണ് പ്രാഥമിക പരിഗണനയെന്ന് ഐ സി സി ചെയ‌ര്‍മാന്‍ ശശാങ്ക് മനോഹര്‍. സുരക്ഷാ പ്രശ്‌നങ്ങള്‍ ചൂണ്ടിക്കാട്ടുന്ന ബി സി സി ഐയുടെ കത്ത് ലഭിച്ചു. ടീമുകളുടെ സുരക്ഷയ്‌ക്കാണ് ഐ സി സി കൂടുതല്‍ പരിഗണന നല്‍കുന്നതെന്ന് ശശാങ്ക് മനോഹര്‍ ടൈംസ് ഓഫ് ഇന്ത്യയോട് പറഞ്ഞു.
ലോകകപ്പില്‍ നടപ്പിലാക്കുന്ന സുരക്ഷാ സംവിധാനങ്ങളെക്കുറിച്ച് മാര്‍ച്ച് രണ്ടിന് ദുബായില്‍ നടക്കുന്ന ഐ സി സി ബോര്‍ഡ് മീറ്റിംഗില്‍ ബി സി സി ഐയെ അറിയിക്കും. സുരക്ഷയില്‍ എല്ലാ ക്രിക്കറ്റ് ബോര്‍ഡുകളും സംതൃപ്തരാകും എന്നാണ് വിശ്വാസം. സുരക്ഷാ ആശങ്കകള്‍ പങ്കുവെച്ചുകൊണ്ടുള്ള ബി സി സി ഐയുടെ കത്ത് ബോര്‍ഡ് മീറ്റിംഗില്‍ അവതരിപ്പിക്കുമെന്നും ഐ സി സി തലവന്‍ പറഞ്ഞു.
BCCI writes to ICC regarding its concerns & commitments ahead of ICC events including World Cup. Concerns include security of Indian players, officials, fans. BCCI in its letter urges the cricketing community to sever ties with countries from where terror emanates. #PulwamaAttack pic.twitter.com/Wg2hepTrsk
— ANI (@ANI) February 22, 2019
പുല്‍വാമ ഭീകരാക്രമണത്തിന്‍റെ പശ്‌ചാത്തലത്തിലാണ് ഇന്ത്യന്‍ ക്രിക്കറ്റ് ബോര്‍ഡ് ഐ സി സിക്ക് കത്തെഴുതിയത്. ഇന്ത്യന്‍ താരങ്ങളുടെയും ഒഫീഷ്യല്‍ഷ്യസിന്‍റെയും ആരാധകരുടെയും സുരക്ഷ ഉറപ്പുവരുത്തണമെന്നാണ് ബി സി സി ഐയുടെ ആവശ്യം. ഇംഗ്ലണ്ടില്‍ മെയ് 30 മുതല്‍ ജൂലൈ 14വരെയാണ് ഏകദിന ലോകകപ്പ് നടക്കുന്നത്.
