സെറീന വില്യംസ് അമ്മയാകുന്നു
ന്യൂയോർക്ക്: ലോക ടെന്നീസിലെ ഇതിഹാസതാരം സെറീന വില്യംസ് അമ്മയാകാൻ പോകുന്നു. സ്നാപ്ചാറ്റിലൂടെ സൈറീന തന്നെയാണ് ഇക്കാര്യം വെളിപ്പെടുത്തിയത്. താൻ 20 ആഴ്ച ഗർഭിണിയാണെന്ന് സെറീന അറിയിച്ചു. മഞ്ഞ നിറത്തിലുള്ള നീന്തൽ വസ്ത്രത്തിൽ പ്രത്യക്ഷപ്പെട്ടാണ് സെറീന ഇക്കാര്യം വെളിപ്പെടുത്തിയത്.
35 കാരിയായ സെറീന റെഡിറ്റ് സഹ ഉടമ അലക്സിസ് ഒഹാനിയനുമായി പ്രണയത്തിലാണ്. ഓസ്ട്രേലിയൻ ഓപ്പണിൽ കിരീടം ചൂടി സ്റ്റെഫി ഗ്രാഫിന്‍റെ റിക്കാർഡ് തിരുത്തിയ സെറീന അന്നുമുതൽ ടെന്നീസിൽനിന്നും വിട്ടുനിൽക്കുകയാണ്. ഓസ്ട്രേലിയന്‍ ഓപ്പണ്‍ ജയിച്ച സമയത്ത് ഗര്‍ഭിണിയായിരുന്നു എന്നാണ് സെറീനയുടെ വെളിപ്പെടുത്തല്‍. കാലിഫോർണിയയിലെ ഇന്ത്യൻ വെൽസ് ഓപ്പണിൽനിന്നും സെറീന പിൻമാറിയിരുന്നു.
