Asianet News MalayalamAsianet News Malayalam

അതെന്‍റെ അനിയത്തിയാണ്, കല്ല്യാണം കഴിയാത്ത പെണ്‍കുട്ടികള്‍ക്കെന്താ റോഡില്‍ ഡാന്‍സ് കളിച്ചൂടേ? ശ്രദ്ധേയമായി കുറിപ്പ്

 ഈ ഡാൻസ് കളിക്കുന്നത് ഇലക്ഷന്റെ കലാശക്കൊട്ടിനാണ്. ആ സമയത്ത് ഞാൻ ഒരു തവണപോലും ഈ വീഡിയോ ഷെയർ ചെയ്തില്ല. പക്ഷേ, ഇതു കണ്ടിട്ട് പലർക്കും കുരുപൊട്ടിയതാകയാൽ ഇനി ഇതു കുറെ ആൾക്കാരെക്കൂടി കാണിച്ചിട്ട് തന്നെ കാര്യം എന്ന് കരുതി. 
 

facebook post viral parvathy sumesh
Author
Thiruvananthapuram, First Published May 19, 2019, 1:00 PM IST

തിരുവനന്തപുരം: 'ഈ വീഡിയോയിൽ വെള്ള സാരിയും ചുമന്ന ബ്ലൗസ്സും ധരിച്ച് ഡാൻസ് ചെയ്യുന്നത് എന്റെ അനിയത്തി അശ്വതി. വയസ്സ് 27. കല്യാണം കഴിക്കാൻ ഇതുവരെയും മനസ്സ് കൊണ്ട് തയ്യാറാകാത്തത് കൊണ്ട് അവിവാഹിതയായി തുടരുന്നു. തൊഴിൽ- അദ്ധ്യാപനം...' ഇത് പാര്‍വതി സുമേഷ് എന്ന യുവതിയുടെ ഫേസ്ബുക്ക് കുറിപ്പിന്‍റെ തുടക്കമാണ്. ഇലക്ഷന്‍റെ കലാശക്കൊട്ടിന് റോഡില്‍ ഡാന്‍സ് കളിച്ച അനിയത്തിയെ വിമര്‍ശിച്ചവര്‍ക്കെതിരെയുള്ള ചുട്ട മറുപടിയാണ് പാര്‍വതിയുടെ കുറിപ്പ്..

പൊതുവിടത്തില്‍ സ്ത്രീകള്‍ ഡാന്‍സ് കളിക്കുന്നത് പോലും എന്തോ അശ്ലീലമാണ് എന്ന് കരുതുന്നവര്‍ക്കുള്ള മറുപടിയും പാര്‍വതി തന്‍റെ പോസ്റ്റില്‍ നല്‍കിയിട്ടുണ്ട്. ഇങ്ങനെ ഡാന്‍സ് കളിച്ചത് ശരിയായില്ല എന്ന് ആളുകള്‍ പറഞ്ഞതിന് കാരണം അവള്‍ കല്ല്യാണം കഴിക്കാത്ത പെണ്ണാണ് എന്നതാണ്. ശരിയാ.. അവളുടെ കന്യകാത്വം റോഡിൽ വീണ് ഒലിച്ചു പോയിക്കാണും. കല്യാണം കഴിഞ്ഞ് കളിച്ചാൽ ഇക്കൂട്ടർ എന്ത് പറയുമെന്നതും ഊഹിക്കാമെന്നും പാര്‍വതി എഴുതുന്നു.

ഫേസ്ബുക്ക് പോസ്റ്റ്: 
ഈ വീഡിയോയിൽ വെള്ള സാരിയും ചുമന്ന ബ്ലൗസ്സും ധരിച്ച് ഡാൻസ് ചെയ്യുന്നത് എന്റെ അനിയത്തി അശ്വതി. വയസ്സ് 27. കല്യാണം കഴിക്കാൻ ഇതുവരെയും മനസ്സ് കൊണ്ട് തയ്യാറാകാത്തത് കൊണ്ട് അവിവാഹിതയായി തുടരുന്നു. തൊഴിൽ- അദ്ധ്യാപനം. നൃത്തം ശാസ്ത്രീയമായി അഭ്യസിച്ചിട്ടുണ്ട്. ഇപ്പോഴും തുടരുന്നു. B.Ed നു അഡ്മിഷൻ ലഭിക്കാനുള്ള കാലതാമസത്തിൽ, ഒരുപക്ഷേ തന്റെ കർമമണ്ഡലം അതായിരിക്കില്ല എന്നറിഞ്ഞിട്ടു കൂടി ഹയർ ഡിപ്ലോമ ഇൻ കോ-ഓപ്പറേഷൻ ആൻഡ് ബിസിനസ്സ് മാനേജ്മെന്റ് എന്ന പിജി ഡിപ്ലോമ കോഴ്സ് പാസ്സായി. 

അദ്ധ്യാപികയായി ജോലി ലഭിക്കുന്നതുവരെ ട്യൂട്ടോറികളിൽ പഠിപ്പിച്ചും, വീട്ടിൽ കുട്ടികൾക്ക് ട്യൂഷൻ എടുത്തും സ്വയം വരുമാനത്തിനുള്ള മാർഗങ്ങൾ കണ്ടെത്തി. ഇനി ബോട്ടണിയിൽ പിജി ചെയ്യണമെന്നാണ് ആഗ്രഹം. ഈ ഡാൻസ് കളിക്കുന്നത് ഇലക്ഷന്റെ കലാശക്കൊട്ടിനാണ്. ആ സമയത്ത് ഞാൻ ഒരു തവണപോലും ഈ വീഡിയോ ഷെയർ ചെയ്തില്ല. പക്ഷേ, ഇതു കണ്ടിട്ട് പലർക്കും കുരുപൊട്ടിയതാകയാൽ ഇനി ഇതു കുറെ ആൾക്കാരെക്കൂടി കാണിച്ചിട്ട് തന്നെ കാര്യം എന്ന് കരുതി. 

ഇതു "ശരിയായില്ല, വേണ്ടിയിരുന്നില്ല" എന്ന് തോന്നിയവർ പറഞ്ഞ കാരണം, കല്യാണം കഴിക്കാത്ത പെണ്ണ് എന്നതാണ്. ശരിയാ.. അവളുടെ കന്യകാത്വം റോഡിൽ വീണ് ഒലിച്ചു പോയിക്കാണും. കല്യാണം കഴിഞ്ഞ് കളിച്ചാൽ ഇക്കൂട്ടർ എന്ത് പറയുമെന്നതും ഊഹിക്കാം. എന്റെ ഈ പോസ്റ്റിനെ അനുകൂലിക്കുന്നവർ ഇത് കുറച്ച് ആളുകൾക്ക് കാണാനുള്ള ഒരവസരം ഒരുക്കുമെന്ന് പ്രതീക്ഷിക്കുന്നു. സസ്നേഹം💞

NB ഇതിൽ രാഷ്ട്രീയം കലർത്തരുത് പ്ലീസ്..


 

Follow Us:
Download App:
  • android
  • ios