Asianet News MalayalamAsianet News Malayalam

എല്ലാ വോള്‍വോ കാറുകളും ഇനി ബിഎസ്6

സ്വീഡിഷ് ആഡംബര വാഹന നിര്‍മ്മാതാക്കളായ വോള്‍വോയുടെ ഇന്ത്യന്‍ ഉപസ്ഥാപനം വോള്‍വോ ഇന്ത്യയുടെ എല്ലാ വാഹനങ്ങളും പൂര്‍ണമായും ബിഎസ്6 നിലവാരം ഉറപ്പാക്കി. 

All Volvo cars upgraded to BS6
Author
Mumbai, First Published Feb 15, 2020, 8:04 PM IST

സ്വീഡിഷ് ആഡംബര വാഹന നിര്‍മ്മാതാക്കളായ വോള്‍വോയുടെ ഇന്ത്യന്‍ ഉപസ്ഥാപനം വോള്‍വോ ഇന്ത്യയുടെ എല്ലാ വാഹനങ്ങളും പൂര്‍ണമായും ബിഎസ്6 നിലവാരം ഉറപ്പാക്കി. 

ബിഎസ്‌ 6 സർട്ടിഫൈ ചെയ്‌ത കാറുകൾ മാത്രമാണ്‌ ഈ മാസം മുതൽ ലഭിക്കുക.  വോൾവോയുടെ ഇവിടെയുള്ള പ്ലാന്റിൽ നിർമിക്കുകയും അസംബിൾ ചെയ്യുന്നവയും മാത്രമല്ല, ഇറക്കുമതി ചെയ്യുന്നവയും എല്ലാ കാറുകളും ബിഎസ്‌ 6 സർട്ടിഫിക്കേഷൻ പൂർത്തിയാക്കിക്കഴിഞ്ഞെന്ന് വോൾവോ കാർ ഇന്ത്യ മാനേജിങ്‌ ഡയറക്ടർ ചാൾസ്‌ ഫ്രംപ്‌ പറഞ്ഞു. മാർച്ച്‌ 31 വരെ വാഹന വിലയിൽ മാറ്റമില്ലെന്നും അദ്ദേഹം അറിയിച്ചു.

''എല്ലാ ഉപഭോക്താക്കള്‍ക്കും പരിസ്ഥിതി സൗഹൃദപരമായ മോഡല്‍ കാര്‍ ഈ സാമ്പത്തിക വര്‍ഷം തന്നെ ലഭ്യമാക്കുകയെന്ന ലക്ഷ്യം കൈവരിക്കാനായി. ബിഎസ്‌ നാലില്‍ നിന്നും ബിഎസ്6 ലേക്കുള്ള മാറ്റം വെല്ലുവിളിയായിരുന്നു.

വിലയില്‍ യാതൊരു വര്‍ധനയുമുണ്ടാവില്ല. ഈ വര്‍ഷം മാര്‍ച്ച് 31നു മുമ്പായി ബിഎസ്6 നിലവാരത്തിലുള്ള കാറുകള്‍ക്ക് വില വര്‍ധനയുണ്ടാകില്ല'' ചാള്‍സ് ഫ്രംപ് വ്യക്തമാക്കി. 
 

Follow Us:
Download App:
  • android
  • ios