'അവള് യെസ് പറഞ്ഞു'; വിവാഹവാര്ത്ത പുറത്ത് വിട്ട് കരുണ് നായര്
അവൾ യെസ് പറഞ്ഞു എന്ന കുറിപ്പോടെയാണ് ഇരുവരും ഒന്നിച്ചുളള ചിത്രവും പങ്കുവച്ചിരിക്കുന്നത്. അടുത്ത വർഷം ജനുവരിയിൽ ഇരുവരും വിവാഹിതരാകുമെന്നാണ് സൂചന.
ദില്ലി: ഇന്ത്യൻ ക്രിക്കറ്റ് താരം കരുൺ നായർ വിവാഹിതനാകുന്നു. ദീർഘകാലമായി പ്രണയത്തിലായിരുന്ന സനയ തക്രിവാലയയെ ജീവിത പങ്കാളിയാക്കാൻ തീരുമാനിച്ച വിവരം കരുൺ സമൂഹ മാധ്യമത്തിലൂടെയാണ് വിശദമാക്കിയത്. ഗോവയിൽവച്ച് സനയയോട് വിവാഹ അഭ്യർഥന നടത്തുന്ന വീഡിയോയും കരുൺ പോസ്റ്റ് ചെയ്തിട്ടുണ്ട്.
She said ‘YES’❤️💍 pic.twitter.com/BhiiSUp8zt
— Karun Nair (@karun126) June 29, 2019
അവൾ യെസ് പറഞ്ഞു എന്ന കുറിപ്പോടെയാണ് ഇരുവരും ഒന്നിച്ചുളള ചിത്രവും പങ്കുവച്ചിരിക്കുന്നത്. അടുത്ത വർഷം ജനുവരിയിൽ ഇരുവരും വിവാഹിതരാകുമെന്നാണ് സൂചന.
27 കാരനായ കരുൺ നായർ ചെങ്ങന്നൂർ സ്വദേശികളായ കലാധരൻ നായരുടെയും പ്രേമ നായരുടെയും മകനാണ്. 2016 ൽ ചെന്നൈയിൽ നടന്ന ഇംഗ്ലണ്ടിനെതിരായ ടെസ്റ്റ് മത്സരത്തിൽ ട്രിപ്പിൾ സെഞ്ചുറി നേടിയതോടെയാണ് കരുണ് ശ്രദ്ധ നേടുന്നത്.