കോൺഗ്രസ് സ്ഥാനാർഥി നിർണയത്തിൽ ഇടപെടില്ലെന്ന് ലീഗ്: മൂന്നാം സീറ്റ് ചർച്ച ചെയ്തിട്ടില്ല
കോൺഗ്രസ് സ്ഥാനാർഥി നിർണയത്തിൽ ലീഗ് ഇടപെടാറില്ലെന്ന് ലീഗ് എംപി പികെ കുഞ്ഞാലിക്കുട്ടി
മലപ്പുറം: ഉമ്മൻ ചാണ്ടി ലോക്സഭാ തെരഞ്ഞെടുപ്പിൽ മത്സരിക്കുന്ന കാര്യത്തിൽ മൗനം പാലിച്ച് മുസ്ലീലീഗ്. കോൺഗ്രസ് സ്ഥാനാർഥി നിർണയത്തിൽ ലീഗ് ഇടപെടാറില്ലെന്ന് ലീഗ് എംപി പികെ കുഞ്ഞാലിക്കുട്ടി പറഞ്ഞു. യുഡിഎഫ് ഘടകക്ഷികളോട് ഇക്കാര്യം ചോദിച്ചാൽ ഇതേക്കുറിച്ച് പറയേണ്ട സ്ഥലത്ത് പറയാമെന്നും അല്ലാതെ പരസ്യപ്രതികരണത്തിനില്ലെന്നും പികെ കുഞ്ഞാലിക്കുട്ടി പറഞ്ഞു. ലോക്സഭാ തിരഞ്ഞെടുപ്പിൽ മൂന്നാം സീറ്റ് ആവശ്യപ്പെടുന്ന കാര്യം മുസ്ലീലീഗിനുള്ളിൽ ഇതുവരെ ചർച്ച ചെയ്തിട്ടില്ലെന്നും കുഞ്ഞാലിക്കുട്ടി അറിയിച്ചു.