Asianet News MalayalamAsianet News Malayalam

ശ്രദ്ധേയമായി 'അനുഗ്രഹീതന്‍ ആന്റണി'യുടെ കോണ്‍സെപ്‌റ്റ് പോസ്റ്റര്‍

സണ്ണി വെയിനും സുരാജ്  വെഞ്ഞാറമൂടും ബൈജു സന്തോഷും ഒന്നിച്ചുള്ള കോണ്‍സെപ്‌റ്റ് പോസ്റ്റര്‍ കൗതുകമുണർത്തുന്നതാണ് 

Anugraheethan Antony concept poster released
Author
Kochi, First Published Feb 13, 2020, 9:14 PM IST

ലക്ഷ്യ എന്റർടെയ്ൻമെന്റിന്റെ ബാനറിൽ എം ഷിജിത്ത് നിർമിച്ചു നവാഗതനായ പ്രിൻസ് ജോയ് സംവിധാനം നിർവ്വഹിക്കുന്ന അനുഗ്രഹീതൻ ആന്റണിയുടെ കോണ്‍സെപ്‌റ്റ് പോസ്റ്റർ കുഞ്ചാക്കോ ബോബൻ പുറത്തിറക്കി. സണ്ണി വെയിനും സുരാജ്  വെഞ്ഞാറമൂടും ബൈജു സന്തോഷും ഒന്നിച്ചുള്ള പോസ്റ്റർ  കൗതുകമുണർത്തുന്നതാണ്. 

 

96 എന്ന സിനിമയിലൂടെ സുപരിചിതയായ ഗൗരി കിഷൻ സണ്ണി വെയിനിന്റെ നായികയായി  മലയാളത്തിലേക്ക് എത്തുന്നു എന്ന പ്രത്യേകത കൂടി അനുഗ്രഹീതൻ ആന്റണിക്കുണ്ട്.  അരുൺ മുരളീധരൻ സംഗീത സംവിധാനം ചെയ്തിരിക്കുന്ന ചിത്രത്തിൽ ഗാന രചന നിർവഹിച്ചിരിക്കുന്നത് മനു മഞ്ജിത്താണ്. സംഗീതത്തിനും പ്രണയത്തിനും കുടുംബ ബന്ധങ്ങൾക്കുമെല്ലാം ഒരുപാട് പ്രാധാന്യമുള്ള കഥയുമായാണ് അനുഗ്രഹീതൻ ആന്റണി പ്രേക്ഷകരിലേക്കെത്തുന്നത്.  


ജിഷ്ണു സ് രമേശിന്റേയും അശ്വിൻ പ്രകാശിന്റെയും കഥക്ക് തിരക്കഥയും സംഭാഷണവും ഒരുക്കിയിക്കുന്നത് നവീൻ ടി മണിലാൽ ആണ്.  സണ്ണി വെയിനിനും ഗൗരിക്കുമൊപ്പം, സിദ്ധിഖ്, ഇന്ദ്രൻസ്, സൂരജ് വെഞ്ഞാറമൂട്, ബൈജു സന്തോഷ്, ഷൈൻ ടോം ചാക്കോ, മാല പാർവതി, മുത്തുമണി, മണികണ്ഠൻ ആചാരി, ജാഫർ ഇടുക്കി എന്നിങ്ങനെ ഒരു വലിയ താര നിര തന്നെ അനുഗ്രഹീതൻ ആന്റണിയുടെ ഭാഗമായുണ്ട്. സെൽവകുമാറാണ്  ചിത്രത്തിന്റെ ക്യാമറ കൈകാര്യം ചെയ്തിരിക്കുന്നത്. അപ്പു ഭട്ടതിരി എഡിറ്ററും അരുൺ വെഞ്ഞാറമൂട് ആർട് ഡയറക്ടറുമാണ്. ശങ്കരൻ എ എസും, സിദ്ധാർത്ഥൻ കെ സിയും സൗണ്ട് ഡിസൈൻ ചെയ്തിരിക്കുന്ന അനുഗ്രഹീതൻ ആന്റണിയുടെ എക്സിക്യൂട്ടീവ് പ്രൊഡ്യൂസർ ബിജു ബെർണാഡ് ആണ്. 

Follow Us:
Download App:
  • android
  • ios