അജയ് ദേവ്ഗണ്‍ നായകനായി എത്തുന്ന പുതിയ സിനിമയാണ് മൈദാൻ. ചിത്രത്തില്‍ കീര്‍ത്തി സുരേഷ് ആണ് നായികയായി അഭിനയിക്കുന്നതെന്നാണ് ആദ്യം വാര്‍ത്തകള്‍ വന്നിരുന്നത്. അജയ് ദേവ്ഗണ്‍ ഇന്ത്യൻ ഫുട്ബോള്‍ പരിശീലകൻ സെയ്‍ദ് അബ്‍ദുള്‍ റഹിം ആയി അഭിനയിക്കുന്ന ചിത്രവുമാണ് മൈദാൻ. എന്നാല്‍ ചിത്രത്തില്‍ നിന്ന് കീര്‍ത്തി സുരേഷ് പിൻമാറിയെന്നാണ് പുതിയ വാര്‍ത്ത. ചിത്രത്തില്‍ പ്രിയാമണിയാണ് അജയ് ദേവ്ഗണിന്റെ നായികയാകുക.

അജയ് ദേവ്ഗണിന്റെ നായികയുടെ വേഷമായിരുന്നു കീര്‍ത്തി സുരേഷിന് പറഞ്ഞിരുന്നത്.  അമ്മയായിട്ടുള്ള കഥാപാത്രവുമായിരുന്നു കീര്‍ത്തി സുരേഷിന്റേത്. എന്നാല്‍ കീര്‍ത്തി സുരേഷിന് കഥാപാത്രം യോജിക്കുന്നില്ലെന്നാണ് പറയുന്നത്. അതിനാലാണ് കീര്‍ത്തി സുരേഷ് ചിത്രത്തില്‍ നിന്ന് പിൻമാറിയത്. കീര്‍ത്തി സുരേഷിന് പകരം പ്രിയാമണി ചിത്രത്തില്‍ നായികയാകുകയും ചെയ്‍തു.