യൂ ട്യൂബില്‍ തരംഗം സൃഷ്ടിച്ച് ഒടിയന്‍ ട്രെയിലര്‍; 20 ദിവസം കൊണ്ട് 6.5 മില്യൺ കാഴ്ചക്കാര്‍
ഇത് മലയാള സിനിമ ഇതുവരെ കാണാത്ത ഒരു റെക്കോർഡ് ആണ്. മോഹൻലാലിൻറെ രണ്ടു വ്യത്യസ്ത ഗെറ്റപ്പുകളും, കിടിലൻ ആക്ഷൻസും അടങ്ങിയ ട്രൈലെർ പ്രേക്ഷകർ ആവർത്തിച്ചു കാണുകയാണ്.
കൊച്ചി: മോഹന്‍ലാല്‍ നായകനായി വി .എ ശ്രീകുമാർ മേനോൻ സംവിധാനം ചെയുന്ന ബ്രാഹ്മണ്ട ചിത്രമായ ഒടിയന്റെ ട്രെയ്ലർ സോഷ്യൽ മീഡിയയിലും സമൂഹമാധ്യമങ്ങളിലും തരംഗം സൃഷ്ഠിച്ചു മുന്നേറുകയാണ്. ആരാധകരെ മാത്രമല്ല സിനിമാ പ്രേമികളെയും ഒരുപോലെ വിസ്മയിപ്പിച്ച ഒടിയന്റെ മാസ്സ് ട്രൈലെർ വെറും 20 ദിവസം കൊണ്ട് 6.5 മില്യൺ ഡിജിറ്റൽ വ്യൂസ് കടന്നിരിക്കുകയാണ് കൊച്ചു കുട്ടികൾ തൊട്ട് മുതിർന്നവർക്കിടയിലും ഇപ്പോൾ സംസാര വിഷയമാണ് ഒടിയൻ. മലയാള സിനിമയിൽ ഒരു സൂപ്പർതാര ചിത്രത്തിനും നാളിതുവരെ ലഭിക്കാത്ത സ്വീകാര്യത ആണ് റിലീസിന് മാസങ്ങൾക്ക് മുന്നേ ഒടിയൻ കൈവരിച്ചിരിക്കുന്നത്.
ഇത് മലയാള സിനിമ ഇതുവരെ കാണാത്ത ഒരു റെക്കോർഡ് ആണ്. മോഹൻലാലിൻറെ രണ്ടു വ്യത്യസ്ത ഗെറ്റപ്പുകളും, കിടിലൻ ആക്ഷൻസും അടങ്ങിയ ട്രൈലെർ പ്രേക്ഷകർ ആവർത്തിച്ചു കാണുകയാണ്. പരസ്യരംഗങ്ങളിൽ തന്റെ പ്രാഗൽഭ്യം തെളിയിച്ച വി.എ ശ്രീകുമാർ മേനോന്റെ ആദ്യ സംവിധാന സംരംഭം ആണ് ഒടിയൻ. റിലീസിന് മുന്നേ തന്നെ അദ്ദേഹം അവകാശപ്പെട്ട മാസ് ആക്ഷൻ രംഗങ്ങളും, തീപ്പൊരി ഡയലോഗുകളും ട്രെയ്ലറിൽ നിന്നും തന്നെ കണ്ട ആഹ്ലാദത്തിൽ ആണ് മോഹൻലാൽ ആരാധകർ.
വി ഹരികൃഷ്ണൻ രചിച്ച ഈ ചിത്രത്തിൽ പ്രകാശ് രാജ്, മഞ്ജു വാര്യർ, നരെയ്ൻ എന്നിവരും അഭിനയിക്കുന്നു. മലയാളത്തിലെ ഏറ്റവും മുതൽ മുടക്കുള്ള ചിത്രമായി ഒരുക്കിയിരിക്കുന്ന ഒടിയൻ നിർമ്മിച്ചിരിക്കുന്നത് ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ ആണ്. ചിത്രം ഡിസംബർ 14ന് ലോകമെമ്പാടും ഉള്ള തിയറ്ററുകളിൽ എത്തും.
