കൊവിഡ് വാക്സിൻ ; നിർമ്മാണ രീതി വെളിപ്പെടുത്തി ബയോണ്‍ടെക്
ലോകം മുഴുവന്‍ ഏറെ പ്രതീക്ഷയോടെ കാത്തിരിക്കുന്ന കൊവിഡ് വാക്സിന്‍ എങ്ങനെയാണ് തയ്യാറാവുന്നതെന്ന ചിത്രവുമായി ഉല്‍പാദകര്‍. ജര്‍മന്‍ സ്ഥാപനമായ ബയോണ്‍ടെകാണ് ചിത്രങ്ങള്‍ പുറത്ത് വിട്ടിട്ടുള്ളത്. ആയിരക്കണക്കിന് ഡോസ് വാക്സിനാണ് ഇതിനോടകം നിര്‍മ്മിച്ചിട്ടുള്ളത്. ബയോ റിയാക്ടറില്‍ ജെനറ്റിക് കോഡ് കൃത്രിമമായി നിര്‍മ്മിച്ചെടുക്കുന്നതാണ് വാക്സിന്‍ നിര്‍മ്മാണത്തിലെ ആദ്യ പടി. ബയോണ്‍ടെകാണ് ഇത് നിര്‍മ്മിക്കുന്നത്. മനുഷ്യ ശരീരത്തിലേക്ക് കുത്തിവയ്ക്കുമ്പോള്‍ ശരീരത്തില്‍ സ്പൈക്ക് പ്രോട്ടീന്‍ ഉല്‍പാദിപ്പിക്കുകയാണ് ഈ ജെനറ്റിക് കോഡിന്‍റെ ദൌത്യം. വളരെ താഴ്ന്ന താപനിലയില്‍ സൂക്ഷിക്കുന്ന രണ്ട് ഡോസ് വാക്സിനാണ് മനുഷ്യരില്‍ പ്രയോഗിക്കുന്നത്. വാക്സിന്‍റെ പ്രവര്‍ത്തനം ഉറപ്പ് വരുത്താന്‍ ടണ്‍ കണക്കിന് ഡ്രൈ ഐസാണ് വാക്സിന്‍ നിര്‍മ്മാണ ശാലകളില്‍ സൂക്ഷിച്ചിട്ടുള്ളത്. മൈനസ് 75 ഡിഗ്രി സെല്‍ഷ്യസിലാണ് വാക്സിന്‍ സൂക്ഷിക്കുന്നത്. റെഫ്രിജറേറ്റ് ചെയ്താല്‍ അഞ്ച് ദിവസം മാത്രമാണ് വാക്സിന്‍ സൂക്ഷിക്കാനാവുക.
വാക്സിന്‍ നിര്‍മ്മിച്ച് ആളുകളിലേക്ക് എത്തിക്കുന്നതിന്‍റെ വിവിധ ഘട്ടങ്ങള്‍ ഇവയാണ്.
1 കീ കോഡ്(വാക്സിന്‍ നിര്‍മ്മാണം)
ജര്‍മ്മനിയിലെ മെയ്ന്‍സിലെ ബയോണ്‍ടെകിലാണ് വാക്സിന്‍ നിര്‍മ്മിക്കുന്നത്. കൊറോണ വൈറസിനെ പ്രതിരോധിക്കുന്ന സ്പൈക്ക് പ്രോട്ടീന്‍റെ ഉല്‍പാദനം ത്വരിതപ്പെടുത്തുന്ന സിന്തറ്റിക് ജനറ്റിക് കോഡ് ഈ ഘട്ടത്തിലാണ് നിര്‍മ്മിക്കുക.
ചിത്രങ്ങള്‍ക്ക് കടപ്പാട് ബയോണ്‍ടെക്
ഈ കീ കോഡിനെ പിന്നീട് വലിയ അളവുകളില്‍ ലാബ് ടെക്നീഷ്യന്മാര്‍ സ്റ്റെറിലൈസ് ചെയ്ത ചെറു ബോക്സുകളില്‍ ശേഖരിക്കുന്നു
ചിത്രങ്ങള്‍ക്ക് കടപ്പാട് ബയോണ്‍ടെക്
2 ശുദ്ധീകരണം
ശേഖരിച്ച ജനറ്റിക് കോഡ് മാലിന്യമുക്തമാക്കാന്‍ ശുദ്ധീകരിക്കുന്നു. ബെല്‍ജിയത്തിലെ പര്‍സ് എന്നയിടത്തെ ഇത് പ്ഫിസര്‍ ഫാക്ടറിയിലാണ് ചെയ്യുന്നത്.
ചിത്രങ്ങള്‍ക്ക് കടപ്പാട് ബയോണ്‍ടെക്
3 ശേഖരണം
ശുദ്ധീകരിച്ച വാക്സിന്‍ ഡോസുകളെ ശേഖരിച്ച് വയ്ക്കുന്നു. ബില്യണ്‍ കണക്കിനുള്ള വാക്സിന്‍ ഉല്‍പാദനത്തിനായി നിരവധി ടെക്നീഷ്യന്‍മാരാണ് അഹോരാത്രം പ്രയത്നിക്കുന്നത്.
ചിത്രങ്ങള്‍ക്ക് കടപ്പാട് ബയോണ്‍ടെക്
ഇവിടെ വച്ചാണ് വാക്സിനുകള്‍ ഡോസുകളാക്കി വേര്‍തിരിച്ച് ആളുകളിലെത്തുന്ന ഗ്ലാസ് വയലുകളില്‍ ആക്കുന്നത്. വിവിധ ഇടങ്ങളിലേക്കുള്ള വിതരണത്തിനായി വാക്സിനെ വേര്‍തിരിക്കുന്നു.
ചിത്രങ്ങള്‍ക്ക് കടപ്പാട് ബയോണ്‍ടെക്
യൂറോപ്പില്‍ വിതരണം ചെയ്യാനുള്ള വാക്സിന്‍ വയലുകള്‍ക്ക് പള്‍പ്പിള്‍ നിറമുള്ള അടപ്പുകളാണ് നല്‍കിയിട്ടുള്ളത്
ചിത്രങ്ങള്‍ക്ക് കടപ്പാട് ബയോണ്‍ടെക്
4 പാക്കേജിലെ കൃത്യത ഉറപ്പാക്കല്‍
വാക്സിന്‍റെ ഓരോ ഡോസും പാക്കേജ് സുരക്ഷിതമാണോയെന്ന് പരിശോധിക്കുന്നു. ഇത്തരം അപാകതകള്‍ ശ്രദ്ധയില്‍പ്പെട്ടാല്‍ അത്തരം വയലുകള്‍ മാറ്റി വയ്ക്കും.
ചിത്രങ്ങള്‍ക്ക് കടപ്പാട് ബയോണ്‍ടെക്
5 ശീതീകരണം
പാക്കേജ് കൃത്യമായ വാക്സിന്‍ ഡോസുകള്‍ ശീതീകരിക്കുന്നു. സാധാരണ റഫ്രിജറേറ്ററില്‍ അഞ്ച് ദിവസമാണ് വാക്സിന്‍ സൂക്ഷിക്കാനാവുക. അതിനാല്‍ ഡ്രൈ ഐസിലാണ് വാക്സിന്‍ ശീതീകരിക്കുന്നത്.
ചിത്രങ്ങള്‍ക്ക് കടപ്പാട് ബയോണ്‍ടെക്
വിവിധ രാജ്യങ്ങളിലേക്ക് അയക്കുമ്പോളും ഈ ശീതീകരണം ഉറപ്പാക്കുന്നുണ്ട്. ശീതീകരിച്ച ബോക്സുകളിലാക്കി കാര്‍ഗോയില്‍ വിതരണത്തിന് അയക്കുന്നു.
ചിത്രങ്ങള്‍ക്ക് കടപ്പാട് ബയോണ്‍ടെക്
