Asianet News MalayalamAsianet News Malayalam

ചലച്ചിത്രമേള കൊടിയിറങ്ങി; ലിജോ ജോസ് പെല്ലിശ്ശേരി മികച്ച സംവിധായകന്‍; ഡാര്‍ക്ക് റൂം മികച്ച ചിത്രം

കേരളാ രാജ്യാന്തര ചലച്ചിത്രമേളയുടെ പുരസ്കാരങ്ങള്‍ പ്രഖ്യാപിച്ചു. റൗഹല്ലാഹ്  ഹെജാസ സംവിധാനം ചെയ്ത  ഡാര്‍ക്ക് റൂം മികച്ച സിനിമയ്ക്കുള്ള സുവര്‍ണ ചകോര പുരസ്കാരം സ്വന്തമാക്കി.  ലിജോ ജോസ് പെല്ലിശ്ശേരിയാണ് മികച്ച സംവിധായകനുള്ള രജത ചകോരം സ്വന്തമാക്കിയത്. 

Iffk closing  ceremony award to lijo jose pallisseri
Author
Kerala, First Published Dec 13, 2018, 6:44 PM IST
  • Facebook
  • Twitter
  • Whatsapp

തിരുവനന്തപുരം: കേരളാ രാജ്യാന്തര ചലച്ചിത്രമേളയുടെ പുരസ്കാരങ്ങള്‍ പ്രഖ്യാപിച്ചു. റൗഹല്ലാഹ്  ഹെജാസ സംവിധാനം ചെയ്ത  ഡാര്‍ക്ക് റൂം മികച്ച സിനിമയ്ക്കുള്ള സുവര്‍ണ ചകോര പുരസ്കാരം സ്വന്തമാക്കി.   ലിജോ ജോസ് പെല്ലിശ്ശേരിയാണ് മികച്ച സംവിധായകനുള്ള രജത ചകോരം സ്വന്തമാക്കിയത്. ഈ മാ യൗ ആണ് ചിത്രം.  മലയാളത്തില്‍ നിന്ന്  മത്സരരംഗത്തുള്ള രണ്ട് ചിത്രങ്ങളും പുരസ്കാരങ്ങള്‍ സ്വന്തമാക്കി..

സുഡാനി ഫ്രം നൈജീരിയയാണ് മികച്ച മലയാള ചിത്രമായി തെരഞ്ഞടുക്കപ്പെട്ടത്.  മികച്ച ഏഷ്യന്‍ സിനിമയായി ഈ മാ യൗ തെരഞ്ഞെടുക്കപ്പെട്ടു. മികച്ച ഏഷ്യൻ ചിത്രം, മികച്ച സംവിധായകൻ, പ്രേക്ഷക പ്രീതി നേടിയ ചിത്രം എന്നിങ്ങനെ മൂന്ന് പുരസ്കാരങ്ങളാണ് ഈ മാ യൗ സ്വന്തമാക്കിയത്.  ഗോവന്‍ അന്താരാഷ്ട്ര ചലച്ചിത്രമേളയിലും ഈ മാ യൗ  മികച്ച സംവിധായകനുള്ള പുരസ്കാരം ലിജോ ജോസ് പെല്ലിശേരി സ്വന്തമാക്കിയിരുന്നു.  

നവാഗത സംവിധായകനുള്ള രജത ചകോരം അനാമിക അക്സർ  സ്വന്തമാക്കി.  ടേക്കിംഗ് ദ ഹോർ ടു ഈറ്റ് ജിലേബി എന്ന ചിത്രത്തിനാണ് പുരസ്കാരം. ബിയാട്രിസ് സെയ്നർ സംവിധാനം ചെയത് ലാറ്റിനമേരിക്കൻ ചിത്രം ദ സൈലൻസിന് പ്രത്യേക ജൂറി പരാമർശം ലഭിച്ചു.സിനിമാറ്റോഗ്രഫിക്കുള്ള പ്രത്യേക ജൂറി പരാമര്‍ശം സൗമ്യാനന്ദ സാഹിക്കാണ്. ടേക്കിംഗ് ദ  ഹോർ ടു ഈറ്റ് ജിലേബി  ആണ് ചിത്രം.  

Follow Us:
Download App:
  • android
  • ios