ധാരാവിയിൽ രണ്ട് പേർക്ക് കൂടി കൊവിഡ് സ്ഥിരീകരിച്ചു
ഇതുവരെ 868 പേർക്കാണ് മഹാരാഷ്ട്രയിൽ കൊവിഡ് രോഗം സ്ഥിരീകരിച്ചത്.
മുംബൈ: ഏഷ്യയിലെ ഏറ്റവും വലിയ ചേരിപ്രദേശമായ ധാരാവിയിൽ കൂടുതൽ കൊവിഡ് കേസുകൾ റിപ്പോർട്ട് ചെയ്യുന്നത് മഹാരാഷ്ട്ര സർക്കാരിന് വെല്ലുവിളിയാവുന്നു. ഇന്ന് ധാരാവിയിൽ രണ്ട് പേർക്ക് കൂടി കൊവിഡ് സ്ഥിരീകരിച്ചിട്ടുണ്ട്.
ധാരാവിയിൽ നേരത്തെ രോഗം സ്ഥിരീകരിച്ചയാളുടെ അച്ഛനും സഹോദരനുമാണ് ഇന്ന് രോഗം സ്ഥിരീകരിച്ച. 38 കാരിയായ ഒരു യുവതിയുടെ കുടുംബാംഗങ്ങളാണ് ഇവർ. ഇതോടെ ധാരാവിയിൽ കൊവിഡ് രോഗം ബാധിച്ചവരുടെ എണ്ണം ഏഴായി. ഇതിലൊരാൾ നേരത്തെ മരണപ്പെട്ടിരുന്നു. ഇതുവരെ 868 പേർക്കാണ് മഹാരാഷ്ട്രയിൽ കൊവിഡ് രോഗം സ്ഥിരീകരിച്ചത്. രോഗബാധിതരിൽ അഞ്ഞൂറിലേറെ പേർ മുംബൈയിൽ നിന്നുമാണ്.