ലോക്ക് ഡൌണില്‍ തെളിഞ്ഞൊഴുകി നദികള്‍; ഗംഗ മാത്രമല്ല, ബ്രഹ്മപുത്രയും; കാണാം അത്ഭുത മാറ്റം
അസമിലെ ഗുവാഹത്തിയിലുള്ള വ്യവസായശാലകള്‍ അടഞ്ഞതോടെ നദിയിലെ മാലിന്യതോത് കുറഞ്ഞതായി വാർത്താ ഏജന്‍സിയായ എഎന്‍ഐ
ഗുവാഹത്തി: കൊവിഡ് 19 ലോക്ക് ഡൌണ്‍ മൂലം ജലം തെളിഞ്ഞ നദികളില്‍ ബ്രഹ്മപുത്രയും. അസമിലെ ഗുവാഹത്തിയിലുള്ള വ്യവസായശാലകള്‍ അടഞ്ഞതോടെ നദിയിലെ മാലിന്യതോത് കുറഞ്ഞതായി വാർത്താ ഏജന്‍സിയായ എഎന്‍ഐ വീഡിയോ സഹിതം വ്യക്തമാക്കി.
നേരത്തെ, സമാനമായ വാർത്ത ഗംഗാ നദിയുടെ കരകളില്‍ നിന്നും പുറത്തുവന്നിരുന്നു. വ്യവസായശാലകള്‍ അടച്ചതോടെ ഹരിദ്വാറില്‍ ഗംഗ തെളിഞ്ഞു എന്നായിരുന്നു വാർത്ത. ഹര്‍ കി പൌഡി അടച്ചതും ഗംഗയ്ക്ക് ഗുണം ചെയ്തു എന്നാണ് എഎന്‍ഐയുടെ റിപ്പോർട്ട്. ലോക്ക് ഡൌണ്‍ കാലയളവില്‍ രാജ്യത്തെ വായുമലിനീകരണം കുറഞ്ഞതായും റിപ്പോർട്ടുകളുണ്ട്.
കൊവിഡ് വ്യാപനത്തിന്‍റെ പശ്ചാത്തലത്തില്‍ ലോക്ക് ഡൌണ്‍ നടപ്പാക്കിയ രാജ്യങ്ങളില്‍ അന്തരീക്ഷ മലിനീകരണം കുറയുന്നതായി റിപ്പോര്‍ട്ടുകള്‍ പുറത്തുവന്നിരുന്നു. ഇന്ത്യയിലും സമാന മാറ്റം വായുവിലുണ്ടായി എന്നാണ് നിരീക്ഷണങ്ങള്‍. എന്നാല്‍ ഇത് ദീര്‍ഘകാല അടിസ്ഥാനത്തില്‍ അന്തരീക്ഷ മലിനീകരണത്തിന്റെ തോതില്‍ മാറ്റം വരുമോ എന്നതിനെ കുറിച്ച് വ്യക്തമായ പഠനങ്ങള്‍ ലഭ്യമായിട്ടില്ല.
കൊവിഡ് -19, പുതിയ വാര്‍ത്തകളും സമ്പൂര്‍ണ്ണ വിവരങ്ങളും അറിയാന്‍ ഇവിടെ ക്ലിക്ക് ചെയ്യുക
