വിമാനത്താവളത്തില് പരിശോധനയ്ക്ക് ഉണ്ടായിരുന്ന മറ്റൊരു ആരോഗ്യപ്രവര്ത്തകനും കൊവിഡ്
ഇദ്ദേഹത്തോടൊപ്പം ഉണ്ടായിരുന്ന മറ്റൊരു ആരോഗ്യ പ്രവർത്തകനും കഴിഞ്ഞ ദിവസം രോഗം സ്ഥിരീകരിച്ചിരുന്നു.
കൊച്ചി: സംസ്ഥാനത്ത് ഇന്ന് 24 പേർക്കാണ് കൊവിഡ് 19 സ്ഥിരീകരിച്ചത്. അതിൽ ഒരാൾ ആരോഗ്യ പ്രവർത്തകനാണ്. നെടുമ്പാശ്ശേരി വിമാനത്തവളത്തിലെ അന്താരാഷ്ട്ര ടെർമിനലിൽ യാത്രക്കാരെ പരിശോധിക്കാൻ നിയോഗിച്ചിരുന്ന സംഘത്തിലെ അംഗത്തിനാണ് എറണാകുളം ജില്ലയിൽ രോഗം സ്ഥിരീകരിച്ചത്. ജൂനിയർ ഹെൽത്ത് ഇൻസ്പെക്ടർ ആണ് ഇയാൾ.
ഇദ്ദേഹത്തോടൊപ്പം ഉണ്ടായിരുന്ന മറ്റൊരു ആരോഗ്യ പ്രവർത്തകനും കഴിഞ്ഞ ദിവസം രോഗം സ്ഥിരീകരിച്ചിരുന്നു. തുടർന്ന് സംഘത്തിലുള്ളവരോട് വീട്ടിൽ നിരീക്ഷണത്തിൽ കഴിയാൻ ആരോഗ്യ വകുപ്പ് നിർദ്ദേശിച്ചു. രോഗലക്ഷണങ്ങൾ കണ്ടതിനെ തുടർന്ന് 30 ന് ആലുവ ജില്ല ആശുപത്രിയിലെത്തി പരിശോധനക്ക് സ്രവം എടുത്തു. ഇന്ന് കൊവിഡ് സ്ഥിരീകരിച്ചതോടെ കളമശ്ശേരി മെഡിക്കൽ കോളജ് ആശുപത്രിയിലാക്കി. രണ്ട് ആരോഗ്യ പ്രവർത്തകർക്ക് കൊവിഡ് സ്ഥിരീകരിച്ചത് ഒപ്പമുണ്ടായിരുന്നവരെ ആശങ്കയിലാക്കിയിട്ടുണ്ട്.
രോഗം സ്ഥിരീകരിച്ച മറ്റു രണ്ടുപേർ കൊവിഡ് രോഗം മൂലം മരണപ്പെട്ടയാളുടെ അടുത്ത ബന്ധുക്കൾ ആയ 32 വയസ്സുള്ള യുവതിയും, 17 വയസ്സുള്ള യുവാവുമാണ്. ഇവരും നിരീക്ഷണത്തിൽ കഴിയുകയായിരുന്നു. കൊവിഡ് സ്ഥിരീകരിച്ചതിനെ തുടർന്ന് ഇരുവരെയും കളമശ്ശേരി മെഡിക്കൽ കോളേജ് ആശുപത്രിയിലേക്ക് മാറ്റി. ജില്ലയിൽ ആശുപത്രികളിലും, വീടുകളിലും ആയി നിലവിൽ നിരീക്ഷണത്തിലുള്ളവരുടെ എണ്ണം 4627 ആണ്.
- covid 19
- Covid 19 Kerala
- Covid 19 India
- Covid 19 Pandemic
- Covid 19 Live Updates
- Covid 19 Lock Down
- Lock Down Kerala
- Lock Down India
- India Lock Down Updates
- കൊവിഡ് 19
- കൊവിഡ് 19 കേരളം
- കൊവിഡ് 19 ഇന്ത്യ
- കൊവിഡ് 19 മഹാമാരി
- കൊവിഡ് 19 തത്സമയം
- കൊറോണവൈറസ്
- കൊവിഡ് 19 ലോക് ഡൗൺ
- ലോക്ക് ഡൗൺ കേരളം
- ലോക്ക് ഡൗൺ ഇന്ത്യ
- കൊറോണവൈറസ് തത്സമയം
- കൊറോണവൈറസ് വാർത്തകൾ