കൊവിഡ് നിരീക്ഷണത്തിൽ കഴിഞ്ഞിരുന്ന കോട്ടയം സ്വദേശി മരിച്ചു; ഹൃദയാഘാതം മൂലമെന്ന് നിഗമനം

ലോറി ഡ്രൈവർ ആയിരുന്ന ഇയാൾ മാർച്ച് 18 നാണ് മുംബൈയിൽ നിന്ന് നാട്ടിലെത്തിയത്. അന്ന് മുതൽ ഇയാൾ വീട്ടിൽ നിരീക്ഷണത്തിലായിരുന്നു.

Man under observation for covid dies in kollam

Web Team

kollam, First Published Mar 29, 2020, 8:03 PM IST

കൊല്ലം: കൊവിഡ് നിരീക്ഷണത്തിൽ കഴിയുകയായിരുന്ന ഒരാൾ കൂടി മരിച്ചു. കുമരകം സ്വദേശിയാണ് മരിച്ചത്. ഹൃദയാഘാതമാണ് മരണ കാരണമെന്നാണ് വിലയിരുത്തല്‍. ലോറി ഡ്രൈവർ ആയിരുന്ന ഇയാൾ മാർച്ച് 18 നാണ് മുംബൈയിൽ നിന്ന് നാട്ടിലെത്തിയത്. അന്ന് മുതൽ ഇയാൾ വീട്ടിൽ നിരീക്ഷണത്തിലായിരുന്നു.

വിദേശത്തുനിന്നെത്തി വീട്ടിൽ നിരീക്ഷണത്തിൽ കഴിയുകയായിരുന്ന അറുപത്തിയഞ്ചുകാരൻ ഇന്നലെ കുഴഞ്ഞുവീണ് മരിച്ചിരുന്നു. ഹൃദ്രോഗിയായിരുന്ന കണ്ണൂർ മയ്യിൽ സ്വദേശി അബ്ദുൽ ഖാദറാണ് ഇന്നലെ മരിച്ചത്. മരണകാരണം കൊവിഡ് രോഗബാധയാണോ എന്ന പരിശോധന ഫലം നാളെ എത്തും. മകളെ സന്ദർശിക്കാനായി ഷാർജയിൽ പോയ അബ്ദുൾ ഖാദർ 21 ആം തീയതിയാണ് കണ്ണൂർ വിമാനത്താവളത്തിലിറങ്ങിയത്.

Also Read: കൊവിഡ് നിരീക്ഷണത്തിലിരിക്കവേ കണ്ണൂരിൽ ഒരാൾ കുഴഞ്ഞു വീണുമരിച്ചു, മരണകാരണമറിയാൻ ശ്രവ പരിശോധന

വിദേശത്തിൽ നിന്ന് വന്നതിനാൽ സ്വാഭാവിക നടപടി ക്രമത്തിന്റെ ഭാഗമായി കുടുംബാംഗങ്ങളെ മറ്റൊരു വീട്ടിലാക്കി ചേലേരിയിലെ തറവാട്ട് വീട്ടിൽ ഒറ്റയ്ക്ക് നിരീക്ഷണത്തിൽ കഴിയുകയായിരുന്നു. കൊവിഡ് രോഗലക്ഷണങ്ങളില്ലാത്തതിനാൽ ശ്രവ പരിശോധന നടത്തിയിരുന്നില്ല.

Last Updated Mar 29, 2020, 8:23 PM IST