ഏഷ്യാനെറ്റ് ന്യൂസ് - നഴ്സിംഗ് എക്സലൻസ് അവാർഡ് 2022
രണ്ടുവർഷത്തിനു ശേഷം ഗൾഫ് രാജ്യങ്ങൾ മാസ്ക് ഉപേക്ഷിക്കുമ്പോൾ ആദരവോടെ ഓർക്കേണ്ട ഒരു വിഭാഗമുണ്ട്, ആരോഗ്യമേഖലയിലെ പ്രവർത്തകർ. പ്രത്യേകിച്ചു ആതുരസേവന രംഗത്ത് അർപ്പണബോധത്തിന്റെ മാതൃകയായ നഴ്സുമാർ. കേവലം ഒരു തൊഴിൽ എന്നതിനുമപ്പുറം കാരുണ്യവും സ്നേഹവും നൽകി ഒരുപാട് മനുഷ്യരെ ജീവിതത്തിലേക്ക് കൈപിടിച്ച് ഉയർത്തുന്നവർ. മഹാമാരിയുടെ ഈ കാലത്ത് ലോകം നിശ്ചലമായപ്പോൾ രാപ്പകൽ ഇല്ലാതെ കരുതലിന്റെ വെളിച്ചമേന്തി ലോകത്തെ നയിച്ചവർ. ഇതിനിടെ ജീവൻ പൊളിഞ്ഞുപായവരും ഏറെ. എല്ലാ ഗൾഫ് രാജ്യങ്ങളിലെയും നഴ്സുമാർ അംഗീകരിക്കപ്പെടണം. ഇതിന്റെ ആദ്യപടിയായി കുവൈത്തിൽ ആതുര ചികിത്സാ രംഗത്ത് മികവ് തെളിയിച്ച നഴ്സുമാരെ ഏഷ്യാനെറ്റ് ന്യൂസ് ആദരിക്കുന്നു
ഏഷ്യാനെറ്റ് ന്യൂസ് നഴ്സിംഗ് എക്സലൻസ് അവാർഡ് 2022 ന്റെ എൻട്രികൾ ക്ഷണിക്കുന്നു. നഴ്സിംഗ് എക്സലൻസ് അവാർഡിനെക്കുറിച്ച്
- കുവൈത്തിൽ മികച്ച പ്രകടനം കാഴ്ചവച്ച നഴ്സിംഗ് സമൂഹത്തിന്റെ വിജയഗാഥകൾ പ്രദർശിപ്പിക്കുന്നതിനുള്ള ഒരു വേദിയാണ് നഴ്സിംഗ് എക്സലൻസ് അവാർഡ് 2022.
- നഴ്സിംഗ് സമൂഹത്തിന്റെ ആത്മാർത്ഥവും സമർപ്പിതവുമായ ശ്രമങ്ങളെ ലോകത്തെ അറിയിക്കുക
- കോവിഡ് കാലത്ത് സമാനതകളില്ലാത്ത പ്രവർത്തനത്തിലൂടെ പൊതുസമൂഹത്തിന് ആശ്രയമായവരെ ആദരിക്കുക
- മിഡിൽഈസ്റ്റിൽ ഒരു മലയാള ദൃശ്യ മാധ്യമ സ്ഥാപനം നഴ്സ് സമൂഹത്തിനൊരുക്കുന്ന ആദ്യ അവാർഡ്
നഴ്സുമാരുടെ പരിശ്രമങ്ങളും ത്യാഗങ്ങളും ലോകത്തെ അറിയിക്കുക എന്ന ലക്ഷ്യത്തോടെയാണ് ഏഷ്യാനെറ്റ് ന്യൂസ് നഴ്സിംഗ് എക്സലൻസ് അവാർഡ് ഒരുക്കുന്നത്. ഇതിനായി കുവൈത്തിലെ നഴ്സിംഗ് സ്റ്റാഫുകളിൽ നിന്ന് ഞങ്ങൾ സജീവ പങ്കാളിത്തം തേടുന്നു. ആരോഗ്യസംരക്ഷണത്തിലും സമൂഹത്തിലും നഴ്സുമാർ നടത്തിയ ശ്രമങ്ങളെ അംഗീകരിച്ചുള്ള ഈ പുരസ്കാരം നഴ്സുമാരുടെ വിജയഗാഥ ലോകവുമായി പങ്കിടാൻ സഹായിക്കും.