Asianet News MalayalamAsianet News Malayalam

വിമാനയാത്രയ്ക്കിടെ യുവതിയ്ക്ക് പ്രസവവേദന; വിമാന ശുചിമുറിയില്‍ സുഖപ്രസവം

യാത്രക്കാരില്‍ ഒരാളായ ഫിലിപ്പിന്‍ യുവതിയ്ക്ക് പ്രസവവേദന അനുഭവപ്പെട്ടത്. തുടര്‍ന്ന് വിമാന ജീവനക്കാരുടെ സഹായം തേടി

Mabrouk Is In The Air: Flight crew of MEA helped deliver a baby mid-flight
Author
Kuwait City, First Published Jul 29, 2019, 3:33 PM IST

കുവൈറ്റ് സിറ്റി : വിമാനയാത്രയ്ക്കിടെ യുവതിയ്ക്ക് പ്രസവവേദന അനുഭവപ്പെട്ടതിനെ തുടര്‍ന്ന് മിഡില്‍ ഈസ്റ്റ് എയര്‍ വിമാനം കുവൈറ്റില്‍ അടിയന്തിരമായി ലാന്റ് ചെയ്തു. പുലര്‍ച്ചെ നാലു മണിയോടെ ആയിരുന്നു സംഭവം. ദോഹയില്‍ നിന്നും ബൈറൂത്തിലേയ്ക്ക് പോകുകയായിരുന്നു വിമാനം എംഇ 435 വിമാനം. 

ഇതിനിടെയാണ് യാത്രക്കാരില്‍ ഒരാളായ ഫിലിപ്പിന്‍ യുവതിയ്ക്ക് പ്രസവവേദന അനുഭവപ്പെട്ടത്. തുടര്‍ന്ന് വിമാന ജീവനക്കാരുടെ സഹായം തേടി. ഇതോടെ വിമാനം കുവൈറ്റ് വിമാനത്താവളത്തിലേയ്ക്ക് അടിയന്തിരമായി ലാന്റിങിന് അനുമതി തേടുകയും ഒപ്പം വിമാനത്തില്‍ യാത്രചെയ്യുന്ന ഡോക്ടര്‍മാരുടെ സേവനം ആവശ്യപ്പെട്ട് അറിയിപ്പ് നല്‍കുകയും ചെയ്തു. 

ഇതിനോടകം വിമാനത്തിന്റെ ശുചിമുറിയില്‍ യുവതി ഒരു പെണ്‍കുഞ്ഞിന് ജന്മം നല്‍കി. പരിശീലനം ലഭിച്ച വിമാനത്തിനുള്ളിലെ ജീവനക്കാവുടെ സന്നദ്ധതയും പരിചരണവുമാണ് യുവതിയുടെ സുഖപ്രവസത്തിന് സഹായകമായത്.

Follow Us:
Download App:
  • android
  • ios